¿Kuali moitaj?

Kuali maj se motajtani nejin keman tikuikaj amaixmej tein tiktemakaskej itech tanojnotsalis. Kemej amaixmej kipiaj kuali tanauatilmej, uelis amo kipoujkaitaskej komo tiktemakaj se tein kejkelpachtik, tein ixkisakya, amo chipauak oso tsayaktik, uan kijtoskej tein amo kuali ika tekit tein tikchiuaj.

¿Toni tapaleuis maj kuali moitakan? Miakej kiitaj ke semi tapaleuia maj kiyektalikan tein kiuikaj itech morral kemej kuali akis uan kemej amo mokelpachos. Kemej neskayot, seko kitaliaj libros, okseko revistas uan folletos, okseko tratados uan ijkon kichiuaj ika okseki taman. Keman amo kikuijok Biblia uan amaixmej, kieuaj itech morral ika miak nejmachkayot uan ijkon amo mokelpachouaj. Oksekin tokniuan kuali kipikij amaixmej tein kiuikaj. Maski tataman kemej tikeuaskej, motelneki maj kuali moitakan amaixmej tein tiktemakaskej, nejon tapaleuis maj amo kijtokan tein amo kuali ika tekit tein tikchiuaj (2 Cor. 6:3).