Se taman kemej uelis tikakiskej nekuikatilmej tein ika titaueyichiuaj
Tein tiktekitiliaj Dios tikitaj tatsotson kemej se kualtsin netetayokolil tein Dios techmakatok (Sant. 1:17). Yejua ika, itech miak nechikolmej kitaliaj nekuikatilmej tein ika titaueyichiuaj maj tepitsin kakistito achto uan satepan ke tami nechikol. Keman tiajsij itech Kali kampa Timosentiliaj uan tikakij nejon tatsotson, techpaleuia maj kuali timomachilikan uan maj titanemilikan itech taueyichiualis tein tikmakaskej Jiova. Uan no, keman tikakij nejon yankuik nekuikatilmej, techpaleuia maj tikmatikan keniuj youi tatsotson uan maj okachi kuali timokuikatikan. Uan keman tikakij ijkuak tami nechikol, kichiua maj okachi kuali timonojnotsakan uan maj timosenyolchikauakan. Tayekananij itech sejse nechikol moneki kiitaskej maj kitalikan Cantemos a Jehová (acompañamiento de piano) achto ke peuas uan keman tamis nechikol. Sayoj ke moneki maj amo tel chikauak kakistito uan ijkon uelis tikakiskej akin iuan titajtouaj.