Ome tomin tein amo semi kipia ipatiuj

Se taman tein motelneki kemej uelis titapaleuiskej ika itekiyo Dios, yejua keman titemakaj tomin tein ika mochiuas tanojnotsalis semanauak taltikpak. Sayoj ke ¿komo amo tikpiaj miak tomin?

Se tonal, Jesús kiitak itech templo se siuat akin amo nemiaok inamik uan moajsia itech tatasojtilis, kitalijtoya ome tomin tein amo semi kipiaya ipatiuj itech tominpialoni. Porin kitasojtaya Jiova kitemakak “maski amo teyi kipiaya, [...] nochi nitomin ten niaxka tenika mopaleuiskia” (Mar. 12:41-44). Kemej Jesús kijtoj nejin, kinextia ke itapaleuilis kitelpiaya ipatiuj iixpan Jiova. Okse neskayot, yekinika itatojtokakauan Cristo keman kitemakayaj tapaleuil ika tomin kiitayaj kemej se tatiochiualis, yeski kitelpiaskiaj tomin oso amo semi. Tatitanil Pablo kijtoj ke akin kayomej Macedonia maski tel amo teyi kipiayaj ‘kinueyitataujtijkej de ke maj kintakauilikan ke maj yejuan no kinpaleuiskej in oksekin tokniuan ten kinpolouaya’ (2 Cor. 8:1-4).

Yejua ika, maski sayoj ueli titemakaj ome tomin tein amo semi kipia ipatiuj, maj tikelnamikikan ke keman miakej kitemakaj, maski sayoj tepitsin, momiakilia. Keman titemakaj ika nochi toyolo, tikyolpaktiaj toTajtsin porin yejuatsin “kitasojta se tagat ten kitemaka itapaleuilis ika yolpakilis” (2 Cor. 9:7).