Maj tikyekpiakan totanemilil tein techixyekana
1. ¿Keniuj motokaytis ueyi nechikol tein uejkaua se tonal itech xiujtekit 2013, uan keyej ijkon moixtalij?
1 Mojmostaj timoajsij itech tachiualismej tein uelis kichiuas maj tiktapanauilikan totanemilil tein techixyekana. Yejua ika, ueyi nechikol tein uejkaua se tonal itech xiujtekit 2013, tein peuas itech tonal 1 metsti septiembre xiuit 2012, yeski itokay “Maj tikyekpiakan totanemilil tein techixyekana” (1 Tim. 1:19, TNM). Tamachtilismej tein motemakaskej moixtalijkej kemej techpaleuis maj titanemilikan keniuj tiktekitiltijtokej nejin tel kuali netetayokolil tein techmakak toTajtsin.
2. ¿Toni netajtanilmej monankiliskej itech ueyi nechikol?
2 Netajtanilmej tein monankiliskej. Itech tamachtilismej tein ika motajtos totanemilil tein techixyekana monankiliskej chikome netajtanilmej:
• ¿Toni uelis kijtakos totanemilil tein techixyekana?
• ¿Toni techpaleuis maj kuali tikmachtikan totanemilil tein techixyekana?
• ¿Keniuj amo tejuan totajtakol yeski komo semej taltikpakneminij ixpoliui?
• ¿Toni tiknextiaj keman titanemiliaj itech itanauatiluan Dios uan tikauaj maj kiyekanakan totachiualisuan?
• ¿Keniuj amo tikxokoliskej inintanemilil tein kinixyekana oksekin?
• ¿Keniuj uelis telpochmej uan ichpochmej melaujkanemiskej keman kipanoskej ouijkayomej?
• ¿Toni tatiochiualismej kiseliskej akin kitakamatij inintanemilil tein kinixyekana tein tamachtil ika Biblia?
3. ¿Keniuj okachi techpaleuis tamachtilis tein motemakas itech ueyi nechikol?
3 Satanás kitelneki kijtakos totanemilil tein techixyekana, sayoj ke ika inepaleuil Jiova ueli titaxikouaj. Ika iTajtol uan inechikol, toTajtsin akin techtasojta techiluia: “Yejua nejin ojti. Itech xinemikan” (Is. 30:21). Tamachtilismej tein motemakaskej yejua se taman tein ika Jiova techixyekana. Yejua ika, maj ompa tiyetokan nochi tonal. Maj kuali tikakikan uan maj tikitakan keniuj tiktekitiltiskej itech tonemilis kemej moijtos itech tamachtilismej. Ika xiontajto tein moijtos itech nechikol iniuan mochankauan. Keman tikchiuaj kemej techyolmajxitia Dios tikpiaj kuali totanemilil tein techixyekana, uan techpaleuia maj tein kiixyekana Satanás amo techchiualti se taman tein uelis kijtakos tokuali uikalis iuan Jiova (1 Ped. 3:16, TNM).