Keniuj tipeuaskej titajtoskej

Keniuj tikpeualtiskej nemachtilmej ika Biblia itech yekinika sábado tein kipia junio

“Maski tinochin tiknekij maj onka yekyetolis, noyampa mochiua neteuilis. ¿Keyej tikonnemilia tejuatsin ke semi ouij maj onka yekyetolis?” Xikonkaua maj tanankili. Ompa xikonnextili tamachtilis tein moajsi itamiampa amaix Tanejmachtijkej 1 metsti junio, xiksenitakan tamachtilis tein kiualkui itech yekinika netajtanil uan xikonixtajtoltili maski sayoj se texto. Xikonkauili amaixmej uan xionmotenkaua iuan kemanian nankisentokaskej nankiitaskej okse netajtanil.

Nota: Nejin moneki moixnextis itech nechikol tein mochiuas achto ke tikisaskej tanojnotsalis itech tonal 1 metsti junio.

Tanejmachtijkej 1 metsti junio

“Tikuelitaskiaj ika titajtoskej se kuejmol tein noyampa mochiua. Timiakej kemansa techchikoitanij. ¿Tionmonemilia ke moajsi se xolal kampa amo onkak nejon kuejmol? [Xikonkaua maj tanankili.] Semi techyolseuia tikmatiskej ke Dios amo techikoita, xikonita tein kijtoua nikan [xikonixtajtolti Hechos 10:34]. Nejin amaix kimelaua toni kichiuas Dios uan ijkon senkis kiixpolos tachikoitalis.”

¡Despertad! Junio

“¿Melauj ke tinochin tiknejnekij kuali tinemiskej? Sayoj ke, ¿tikonnemilia ke uelis ijkon timoajsiskej komo okachi tikouaj miak taman? [Xikonkaua maj tanankili.] Nejin tein kijtoj Jesús uelis techtanemililtis [xikonixtajtolti Lucas 12:15]. Nejin amaix techpaleuia maj tikitakan ke amo tayekantok tein uelis tikpiaskej uan techyolmajxitia keniuj uelis tikyekpiaskej totomin.”