Keniuj tipeuaskej titajtoskej

Keniuj tikpeualtiskej nemachtilmej ika Biblia itech yekinika sábado tein kipia febrero

“Sekin akin iniuan titajtouanij kinemiliaj ke Biblia iTajtol Dios, sayoj ke oksekin kinemiliaj ke sayoj se amaix kemej okseki. ¿Toni tikonnemilia tejuatsin?” Xikonkaua maj tanankili. Xikonnextili tamachtilis tein moajsi itamiampa amaix Tanejmachtijkej 1 metsti febrero, xiksenitakan tamachtilis tein kiualkui itech yekinika netajtanil uan xikonixtajtoltili maski sayoj se texto. Xikonkauili amaixmej uan xionmotenkaua iuan kemanian nankisentokaskej nankiitaskej okse netajtanil.

Tanejmachtijkej 1 metsti febrero

“Tinochin tikuelitaskiaj maj tami neteuilis, ¿melauj? Sayoj ke ¿tikonnemilia ke uelis mochiuas nejon? [Xikonkaua maj tanankili.] Xikonita tein Dios motenkaua kichiuas [xikonixtajtolti Salmo 46:9]. Maski taman mokakis, miak taman tein panok keman mochiuak Yekinika Neteuilis itech Nochi Taltikpak uan satepan, kichiua maj okachi tikneltokakan ke mochiuas ijkon kemej kijtoua Dios. Nejin amaix okachi kimelaua.”

¡Despertad! Febrero

“Axkan timitsonkalpanouaj porin titajtojtokej ika se kuejmol tein okachi moita. Miakej kijtouaj ke amo kinajsi tiempo. ¿Tikonnemilia ke panoua nejon porin onkak miak tekit tein moneki mochiuas oso porin tonalpolouaj? [Xikonkaua maj tanankili.] Miakej amo kimatij ke Biblia kitemaka kuali tajtolmej tein tapaleuia maj amo titonalpolokan. Xikonita tein nikan kijtoua [xikonixtajtolti Efesios 5:16]. Itech nejin amaix tikonajsis naui taman tein mitsonpaleuis maj mitsonajsi tiempo.”