Nejin tajtolmej moneki yetos itech moyolo
Ueliskia tikijtoskej ke tetatmej tamatij kemej se ichkatajpixkej. Porin ijkon kemej se ichkatajpixkej kinyekpia iichkauan, tetatmej moneki kinyekpiaskej ininkoneuan. Semej ueliskia mopolos uan nejon kichiuas maj tajyoui (Prov. 27:23). ¿Keniuj tetatmej uelis mochiuaskej kuali ichkatajpianij? Semi moneki maj nochipa tajtokan iniuan ininkoneuan. Sayoj ijkon kimatiskej tein kinemiliaj uan tein kipiaj itech ininyolo (Prov. 20:5). No moneki kinpaleuiskej ininkoneuan maj inintakuaujtamatilis moajsi chikauak ika tein kinpaleuis maj taxikokan (1 Cor. 3:10-15). Video Estas palabras tienen que estar en tu corazón kinextia keyej motelneki maj nochipa se taueyichiua kemej kalyetouanij. Xiksenitakan uan satepan xiknankilikan nejin netajtanilmej.
1) ¿Keyej kalyetouanij Román amo senkis kitayekanaltiayaj itekiyo Dios? 2) ¿Keyej tokniuj Román keman yekinika kinekia momachtis iniuan ikalyetouanij amo uelik? 3) Ijkon kemej kijtoua Biblia, ¿toni okachi tapaleuia maj kuali se kiniskalti konemej? (Deut. 6:6, 7.) 4) ¿Toni uelis se kichiuas uan ijkon okachi kuali se monojnotsas kemej kalyetouanij? 5) Maski ouij kinkisas, ¿toni moneki kikauaskej tetatmej uan ijkon kinpaleuiskej ininkoneuan? 6) ¿Keniuj kalyetouanij Vargas kinpaleuijkej kalyetouanij Román? (Prov. 27:17.) 7) ¿Keniuj moneki momachtis tepopaj komo kineki maj tapaleui Youak keman Taueyichiuaj kemej Kalyetouanij? 8) ¿Toni kichiuak tokniuj Román tein ika kinpaleuij ikalyetouanij? 9) ¿Keyej moneki nochipa titaueyichiuaskej kemej kalyetouanij? (Efes. 6:4.) 10) Xikonijto seki taman tein uelis se momachtis itech taueyichiualis kemej kalyetouanij. 11) Keman tokniuj Tomás kiluij ikonetsin akin tayekana ke moneki se kichiuas tein kuali, ¿keyej tapaleuij maj kiyekiluiani tein monekia uan maj amo kiajuani? (Jer. 17:9.) 12) Keman Tomás uan Mónica kiitakej keniuj ininichpoch mouikaya iuan Justin, ¿keniuj kipaleuijkej maj kiixpejpena kichiuas tein okachi kuali? (Mar. 12:30; 2 Tim. 2:22.) 13) ¿Keyej tikonijtoskia ke Tomás uan Mónica kinextijkej ke takuaujtamatiaj iuan Dios keman kiixtalijkej nemiskej ika amo miak taman? (Mat. 6:33.) 14) ¿Keniuj kinpaleuia nejin video akin taixyekanaj ininkalijtik maj kiitakan ke motelneki kinpaleuiskej ininkalyetouanij maj kuali mouikakan iuan Dios? (1 Tim. 5:8.) 15) ¿Toni moneki kiixtaliskej kichiuaskej akin kiixyekanaj ininkalyetouanij?
NEJIN TIKINILUIAJ TETATMEJ: Keman nejin tamouisol monextij itech ueyi nechikol tein uejkauak eyi tonal itech xiuit 2011, ¿tikonitak ke onkaya seki taman tein monekia okachi kuali nankichiuaskej keman nantaueyichiuaj kemej kalyetouanij? Satepan ke tikonitak nejin video, ¿tikonitak okseki taman tein tapaleuis maj okachi kuali ximomachtikan kemej kalyetouanij? Xikontajtani Jiova maj mitsonpaleui xikonpata nochi tein monekis tein tapaleuis maj mokalyetouanij momakixtikan (Efes. 5:15-17).