Maj okachi kuali titanojnotsakan: xikonnextili akin tikonmachtia ika Biblia maj momachti kemej moneki
Keyej motelneki. Akin tikmachtiaj ika Biblia moneki momachtis tamachtilis tein ouij tein kipaleuis maj itakuaujtamatilis moueyiltijtiuj (Heb. 5:12–6:1). Tein melauj, moneki se mochikauas ijkuak se momachtis porin moneki se kiitas keniuj mouika tein tikmatijya iuan tein timomachtijtokej uan tikitaskej keniuj tikuiskej itech tonemilis (Prov. 2:1-6). Momachtianij moneki kimatiskej keniuj kitemoskej ininselti itanankililuan netajtanilmej tein kipiaj. Chikaujkayot tein kichiuaskej porin kinekij monejnemiltiskej ijkon kemej momachtijtokej kinpaleuis maj kiixnamikikan ouijkayomej tein kipiaskej itech ininnemilis kemej itatojtokakauan Cristo (Luc. 6:47, 48).
Xikonchiua nejin itech metsti:
Keman tikontamis se subtítulo oso se capítulo, xikonilui momachtijkej maj kijto ika amo miak tajtolmej tein momachtij. Komo axkan amo tikonmachtijtok aksa, xikonijto ika amo miak tajtolmej toni ika tajtoua se tajkuilol itech Biblia oso se párrafo tein kipia Tanejmachtijkej. Nejin mitsonpaleuis okachi kuali xikonajsikamati tein tikonixtajtoltia.