Keniuj tikuiskej grabaciones
1. Tikpiaj amaixmej tein tapaleuiaj sayoj ke, ¿toni okseki taman nepaleuil tikpiaj?
1 Itech jw.org, Internet kampa timoteixmatiltiaj, miakej kiixtajtoltiaj tamachtilis tein kinpaleuia, kinyolpaktia uan tein melauak (Ecl. 12:10). Sayoj ke, ¿tikonkakiniya tamachtilis tein moajsij ika grabación? Miak amaixmej tein moajsij itech jw.org no moajsij ika audio. ¿Keniuj tapaleuiaj?
2. ¿Keniuj uelis tikuiskej grabaciones keman timomachtiskej toselti uan iniuan tochankauan?
2 Keman tionmomachtis moselti uan iniuan mochankauan. Tikakiskej Biblia, revistas oso okseki amaixmej ika audio keman tiyouij kansaika oso keman tikchiuaj tein moneki tokalijtik uelis yeski se taman kemej okachi kuali tikuiskej tiempo (Efes. 5:15, 16). Se taman kemej uelis no titaueyichiuaskej kemej kalyetouanij yejua maj tikakikan se amaix tein moajsi ika audio uan maj tiktojtokakan taixtajtoltilis. Uan keman timomachtiaj toselti, grabaciones techpaleuiaj maj kuali titaixtajtoltikan oso komo timomachtijtokej okse tajtol.
3. ¿Akonimej akin tikinajsij itech tanojnotsalis okachi uelis kinpaleuis grabaciones?
3 Itech tanojnotsalis. Miakej akin tikinajsij itech tanojnotsalis kinemiliaj ke amo kipiaj tiempo kiixtajtoltiskej se amaix, sayoj ke xa kemaj kinekiskej kikakiskej se grabación. Oksekin tajtouaj okse tajtol uan xa okachi kinekiskej techkakiskej keman tikinmatiltiskej iTekiuajyo Dios komo kikakij itech inintajtol (Hech. 2:6-8). Itech seki xolalmej semi moneki maj kuali se kikaki tein kijtouaj oksekin. Kemej neskayot, itech xolal hmong tetatmej momattokej kintapouiskej ininkoneuan tein mochiujtiualani uan amo kinouijmaka kielnamiktoskej tein kikakij. Itech miak xolalmej tein moajsij itech ueyi altepet África, taltikpakneminij kinyolpaktia kimatiskej miak taman ika tein kintapouiaj.
4. Keman tikuiskej grabaciones itech tanojnotsalis, ¿katiyejua netajtanilmej uelis achto timotajtaniskej?
4 Kampa tiontanojnotsa, ¿tapaleuiskia komo tikontalia tepitsin se grabación uan ijkon taltikpaknenkej uelis kikakis itech itajtol? ¿Tikonixmati aksa akin kipaleuis se amaix ika audio tein uelis tikontitanilis itech correo electrónico? ¿Tapaleuiskia komo se kitemouia se amaix uan tikauiliaj disco uan amaix aksa akin kinextij ke kineki kimatis okachi? Sejse libro, folleto, revista oso tratado tein tiktemakaskej ika audio uelis tikamataliskej itech informe. Grabaciones amo sayoj uelis tikuiskej keman timomachtiskej toselti, ta no techpaleuiskej maj tikteixmatiltikan tamachtilis tein melauak (1 Cor. 3:6).