Xikchiuakan ijkon kemej kichiujkej tanauatianij: Habacuc
1. ¿Keyej kuali tikajsikamatij keniuj momachiliaya tanauatijkej Habacuc?
1 Keman tikitaj keniuj okachi momiakilia tein amo kuali, uelis timomachiliskej ijkon kemej Habacuc, akin kitajtanij Jiova keyej kisentokaya kikauaya maj mochiua tein amo kuali (Hab. 1:3; 2 Tim. 3:1, 13). Titanemiliskej itech tajtolmej tein ika tanejmachtij Habacuc uan keniuj amo keman kikauak Jiova, uelis techpaleuis maj tiksentokakan titaxikokan hasta ijkuak ejkos iueyi tonal Jiova (2 Ped. 3:7).
2. ¿Keniuj no uelis amo tikauaskej Dios ijkon kemej Habacuc?
2 Maj amo tikauakan Dios. Habacuc amo kikauak maj kitayokolti tein kipanotoya, ta kisentokak tachixtoya uan kichiujtoya itekiyo Dios (Hab. 2:1). Jiova kiyekiluij tanauatijkej ke iTajtol mochiuaskia keman kiixtalijka uan akin amo kikauayaj kisentokaskiaj nemiskiaj (Hab. 2:2-4). ¿Keniuj techpaleuia akin tikchiuaj kemej Cristo uan tinemij itech nejin itamian tonalmej? Techpaleuia maj tikitakan ke okachi moneki tikneltokaskej ke ejkos ixpoliuilis uan amo kemanian ejkos. Totakuaujtamatilis techpaleuia maj titachixtokan uan maj tiktayekanaltikan tanojnotsalis (Heb. 10:38, 39).
3. ¿Keyej moneki tiksentokaskej tiktekitiliskej Jiova ika yolpakilis?
3 Techyolpaktia tiktekitiliskej Jiova. Totakuaujtamatilis moyejyekos keman Gog tein poui Magog kiixnamikis ixolal Jiova (Ezeq. 38:2, 10-12). Nochipa keman mochiua se ueyi neteuilis, taltikpakneminij tajyouiaj hasta akin tatanij porin kipolouaj tein kipiaj, amo onkak miak takual uan xa kichiua maj tatasojti. ¿Toni tikchiuaskej keman tikpanoskej se taman kemej nejon? Habacuc kimatia ke kipiaskia ouijkayomej, yejua ika kiixtalij kitekitilis Jiova ika yolpakilis (Hab. 3:16-19). Iyolpakilis Jiova no techpaleuis maj tikxikokan tayejyekolismej (Neh. 8:10; Heb. 12:2).
4. ¿Toni uelis techyolpaktis axkan uan satepan?
4 Jiova kisentokas kinmachtis akin kinmakixtis ijkuak ejkos iueyi tonal (Hab. 2:14). Akin moajokuiskej no kiixmatiskej yejuatsin. Maj tikixtalikan tikteixmatiltiskej Jiova nochipa keman uelis uan nochi ikualtsin tachijchiualis (Sal. 34:1; 71:17).