Maj okachi kuali titanojnotsakan: xikonyoleua nechikolmej akin kinextiaj ke kinekij kimatiskej okachi

KEYEJ MOTELNEKI: Itech nechikolmej ueli timokuikatiaj iixpan Jiova uan tikueyichiuaj nochi semanas (Sl 149:1). No timomachtiaj keniuj tikchiuaskej itanejnekilis Jiova (Sl 143:10). Miakpa akin kinekij kimatiskej okachi uan momachtianij ika Biblia okachi ijsiujka moskaltiaj kemej itatojtokakauan Cristo keman peuaj youij nechikolmej.

KENIUJ TIKCHIUASKEJ:

• Niman maj tikyoleuakan taltikpaknenkej. Amo moneki tikonmachtijtosya ika Biblia (Apoc 22:17).

• 

  Xikonmelauili akin kinextij ke kineki kimatis okachi keniuj mochiuaj tonechikoluan uan xikonilui toni tikitaskej itech okse nechikol. No uelis mitsonpaleuis xikonyoleua taltikpaknenkej amat tein ika titayoleuaj nechikolmej, video ¿Keniuj tikchiuaj tonechikoluan? uan amaix Itanejnekilis Jiova, tamachtilis 5 uan 7.

• 

  Xikonilui ke uelis tikonpaleuis. Kemej neskayot, ¿moneki maj kiuikakan nechikol oso maj kipaleuikan maj kiixpejpena tilmaj tein motalilis? Itech nechikolmej iuan xionmotali uan xikontaneujti moamaixuan uan xikonixmatilti okseki tokniuan.