TAMACHTILIS TEIN KIPIA BIBLIA | PROVERBIOS 1-6

“Xitakuaujtamati iuan Jiova ika nochi moyolo”

Se takat akin nemik ne uejkauj motataujtijtok

Jiova kinamiki maj senkis iuan titakuaujtamatikan. Tein kijtosneki itokay techpaleuia maj okachi titakuaujtamatikan ke ueli kichiua nochi tein motenkauani. Netataujtil semi tapaleuia maj mochikaua totakuaujtamatilis. Proverbios capítulo 3 senkis techiluia ke komo titakuaujtamatij iuan Jiova, yejuatsin techpaleuis maj kuali timonejnemiltikan.

¿Toni kichiua akin kinemilia ke semi tamatkej?

3:5-7

Amo kitemoua maj Jiova kiixyekana achto ke kiixejekos teisa.
Okachi takuaujtamati itech tein yejua kinemilia uan itech tein kijtouaj oksekin.

¿Toni kichiua akin takuaujtamati iuan Jiova?

Kemej kineki okachi kuali mouikas iuan Dios, momachtia Biblia, tanemilia uan motataujtia.
Keman moneki kiixejekos teisa, kitemoua maj Jiova kiixyekana keman momachtia tein tayolmajxitia Biblia itech nejon taman.

**¿KENIUJ NEJUA NITAIXEJEKOUA?**
YEKINIKA: nikixtalia nikchiuas tein niknemilia ke okachi kuali.	SATEPAN: niktajtania Jiova maj kitiochiua tein nikixejekoj.
YEKINIKA: niktataujtia Jiova uan nimomachtia Biblia uan ijkon nikaua maj nechixyekana.	SATEPAN: nikixtalia nikchiuas ijkon kemej tayolmajxitia iTajtol Dios.