TAMACHTILIS TEIN KIPIA BIBLIA | JEREMÍAS 51, 52
Tein Jiova achto kijtoua senkis mochiua
Jiova achto senkis kijtoj tein panoskia satepan.
Tajpixkej itech kaltekiuaj persa akin kitekitiltia arco
“Xiktentikan flechas”
51:11, 28
Medos uan persas tel kuali kitekitiltiayaj arco uan keman tateuiayaj okachi yejua kikuiaj. Kintentiayaj flechas uan ijkon okachi kuali motokaskiaj.
“Itateuijkauan Babilonia amo tateuiajok”
51:30
Tein moixmati kemej Crónica de Nabonido, kijtoua ke “itateuijkauan Ciro kalakkej ompa Babilonia uan amo tateuijkej”. Nejin tajtolmej mouika ika tein achto kijtojka Jeremías.
Crónica de Nabonido
“Babilonia mochiuas tepamit taxitinil, [...] uan nochipaya moajsis taseltijkan”
51:37, 62
Itech xiuit 539 a.i.t., Babilonia peuak yolik ixpoliujtiyajki uan iueyiyo tamik. Alejandro Magno kinekia ompa taixyekanas, sayoj ke amo uelik porin momikilij. Itech yekinika siglo moajsiajok seki judíos ompa Babilonia uan tatitanil Pedro kiixtalij kinkalpanotiuj. Sayoj ke, kemej 400 xiujmej satepan, nejin xolal mokauak tepamit taxitinil uan satepan ixpoliuik.