¿Senkis tiontakuaujtamati ke Jiova kichiuas tein motenkaua?

Josué uan Salomón senkis kiitakej ke nion se tajtol tein Jiova motenkauak tapoloj (Jos 23:14; 1Re 8:56). Tein kijtojkej nejin ome takamej takuaujtamachmej akin kiitakej keniuj mochiuak tein Jiova kijtojka senkis kichikaua totakuaujtamatilis (2Co 13:1, TNM; Tit 1:2).

Komo tikonneki tikonmatis keniuj Jiova kichiuak tein motenkauak itech itonaluan Josué, xikonita iniuan mokalyetouanij tamouisol Nion se tajtol tapolouani. Satepan xiksenitakan nejin netajtanilmej: 1) ¿Keniuj uelis titakuaujtamatiskej kemej Rahab? (Heb 11:31; Snt 2:24-26). 2) ¿Keniuj kinextia tein kipanok Acán ke akin kiixtaliaj amo tatakamatiskej tel amo kuali tein kinpanoua? 3) ¿Keyej gabaonitas kikajkayaujkej Josué uan ika kitemojkej kuali mouikaskej iuan Israel, ta katka se xolal tateuijkej? 4) ¿Keniuj mochiuak itajtol Jiova keman makuil tekiuanij amorreos kimojmoujtijkej Israel? (Jos 10:5-14). 5) ¿Keniuj mitsonpaleuiani Jiova porin tikontayekanaltia iTekiuajyo itech monemilis? (Mt 6:33, TNM).

Keman titanemiliaj itech tein Jiova kichiuani, tein kichiujtok uan tein kichiuas, okachi titakuaujtamatij ke kichiuas tein motenkaujtok (Ro 8:31, 32).