Jesús kintasojtaya taltikpakneminij

Mateo capítulo 8 uan 9 ika tajtoua keniuj Jesús tanojnotsak ompa Galilea. Keman Jesús kinpajtij taltikpakneminij, kinextij chikaualis tein kipiaya, sayoj ke okachi kinextij ueyi netasojtalis uan teiknelilis tein kinpialiaya oksekin.

1. 

   Jesús kipajtij se takat akin kipiaya lepra (Mt 8:1-3).

2. Jesús kipajtij itakeual se akin kinixyekanaya tateuianij (Mt 8:5-13).

   Kipajtij imonan Pedro (Mt 8:14, 15).

   Kinkixtilij taltikpakneminij amokuali ejekamej uan kinpajtij akin tajyouijtoyaj (Mt 8:16, 17).

3. Jesús kinkixtij amokuali ejekamej tein tel chikaujkej uan kintitanik itech miak pitsomej (Mt 8:28-32).

4. Jesús kipajtij se takat akin amo uelia nejnemia (Mt 9:1-8).

   Kipajtij se siuat akin kimatokak itaken uan oksepa kimakak nemilis ikonetsin Jairo (Mt 9:18-26).

   Kinpajtij omen akin amo tachiayaj uan se akin amo uelia tajtouaya (Mt 9:27-34).

5. Jesús yajtinemik itech miak xolalmej uan kinpajtij akin ompa nemiaj ika nochi taman tein kinkokouaya uan tein yeski kokolis tein kipiayaj (Mt 9:35, 36, TNM).

¿Keniuj uelis okachi nikintasojtas uan nikiniknelis akin moajsij nouan?