TONEMILIS KEMEJ ITATOJTOKAKAUAN CRISTO
Moneki titanojnotsaskej uan titamachtiskej, sayoj ijkon tikinchiuaskej imomachtijkauan Jesús
Jesús kinnauatij itatojtokakauan maj kinchiuatij imomachtijkauan (Mt 28:19). Nejin tanauatil tiktakamatij keman titanojnotsaj uan titamachtiaj. Kemansa, tinochin moneki timotajtaniskej: “¿Keniuj uelis okachi kuali nikchiuas nejon tekit?”.
KEMAN TITANOJNOTSASKEJ
Moneki tejuan tikintemoskej akin kipiaj se kuali ininyolo uan amo tikchiaskej maj taltikpakneminij motokikan uan ijkon tikinnojnotsaskej (Mt 10:11). Keman titanojnotsaj, ¿tikixmatiltiaj akin yeski iTajtol Dios? (Hch 17:17). Lidia mochiuak se imomachtijkauj Jesús porin tatitanil Pablo mochikauak tanojnotsas (Hch 16:13-15).
“Kualkan xiktoka moxinach, uan hasta tiotak amo ximomaseui” (Ec 11:6).
SATEPAN KE MOITAS VIDEO MAJ TIKSENTOKAKAN TITANOJNOTSAKAN: KAMPA YESKI UAN KAJKALPAN, XIKONNANKILI NEJIN NETAJTANILMEJ:
¿Keniuj kinextij Samuel ke nochipa kitemouaya kitematiltis tamachtilis tein melauak?
¿Keyej moneki timochikauaskej titapaleuiskej itech tataman tanojnotsalis tein ixyetok?
¿Akonimej iniuan uelis nitajtos ika iTekiuajyo Dios keman nikchiua tekimej mojmostaj?
KEMAN TITAMACHTISKEJ
Komo tiknekij tikinchiuaskej imomachtijkauan Jesús, amo sayoj moneki tikmoyauaskej amaixmej. Ta moneki oksepa titakalpanoskej uan titamachtiskej ika Biblia (1Co 3:6-9). Uan ¿toni uelis tikchiuaskej komo aksa amo kineki kichiuas tein Biblia tamachtia maski semi timochikauaskej tikmachtiskej? (Mt 13:19-22). Moneki tiksentokaskej tikintemoskej akin kipiaj kuali ininyolo (Mt 13:23; Hch 13:48).
“Nejuatsin nitamachtijtinemik [...]. Apolos kachi ok kiajsikamajxitijtiaya notamachtilis [...]. Pero Totajtsin Dios kintaneltoktij” (1Co 3:6).
SATEPAN KE MOITAS VIDEO MAJ TIKSENTOKAKAN TITANOJNOTSAKAN: SENTEIXTENOJ UAN KEMAN TITAMACHTISKEJ IKA BIBLIA, XIKONNANKILI NEJIN NETAJTANILMEJ:
¿Keniuj Salomón uan Mary tapaleuijkej maj moskaltiani tamachtilis tein melauak itech iyolo Ezequiel uan Abigail?
¿Toni moneki tiktemoskej keman titapaleuiskej itech tataman tanojnotsalis tein ixyetok hasta itech tanojnotsalis senteixtenoj?
¿Keniuj uelis tiknextiskej ke okachi tiktayekanaltiaj tikinmachtiskej oksekin tein melauak?