“Ten Dios kinsentalis namikuani ya...”

Tanauatil tein Dios kimakak Moisés, kinauatiaya takat akin kinekia kikauas isiuauj maj kichijchiua se amat kampa ixnesiskia ke amo yeskiaok inamik. Nejon tapaleuiaya maj achto kuali kinemiliani tein kichiuaskia. Sayoj ke, itech itonaluan Jesús, tayekananij itech taneltokalis kichiujkej maj amo ouij mokauakan namikuanij. Takamej ueliaj kikauayaj ininnamik ika tein yeski taman (nwtsty notas tein ika se momachtia Mr 10:4, 11: “tajkuilolamat de ne siuakakaualis”, “mosiuakauas” uan “tagat motajtakolmakas [...] ika ne achto siuat”). Jesús kijtoj ke yejua Jiova akin kipeualtij uan kiixtalij nenamiktilis (Mr 10:2-12). Namikuanij monekia yeskij “sayo se”, tein kijtosneki ke nochipa senyetoskiaj. Ijkon kemej no kijtoua Mateo, namikuanij sayoj ueliskiaj mokauaskej komo semej auilnemia (Mt 19:9).

Axkan, miakej akin amo kitekitiliaj Jiova kiitaj nenamiktilis kemej fariseos uan amo kemej Jesús. Niman keman kipiaj kuejmolmej mokauaj. Sayoj ke, namikuanij akin kichiuaj kemej Cristo, amo kiauilmatij tein motenkauaj ijkuak monamiktiaj uan mochikauaj kiyektaliskej kuejmolmej ijkon kemej Biblia tayolmajxitia. Satepan ke tikonitas video Netasojtalis uan poujkaitalis kinsentilia kalyetouanij, xikonnankili nejin netajtanilmej:

• 

  ¿Keniuj uelis tikonchiuas tein tayolmajxitia Proverbios 15:1 itech monenamiktilis uan keyej motelneki?

• ¿Keniuj uelis mitsonpaleuis amo xikonpia kuejmolmej tein kijtoua Proverbios 19:11?

• Komo tikonita ke monenamiktilis tamitiya, amo xikonnemili tikonkauas monamik. ¿Toni netajtanilmej moneki tionmochiuilis?

• ¿Keniuj uelis mitsonpaleuis Mateo 7:12 xionmochiua se okachi kuali takat oso se okachi kuali siuat akin namikej?