Maj timokixtilikan soltik talnamikilis uan maj timotalilikan tein chipauak

3:5-14

¿Tikonpatak miak taman kemej tionmonejnemiltiaya keman tikonixmatik tamachtilis tein melauak? Komo ijkon, Jiova semi yolpakik kiitas tein tionmochikauak tikonchiuas (Eze 33:11). Sayoj ke, motelneki tiksentokaskej tiknextiskej ke tikpiaj chipauak talnamikilis uan timochikauaskej maj amo tikchiuakan kemej achto. Nejin netajtanilmej mitsonpaleuiskej xikonita ox monekiok tikonpatas seki taman:

• ¿Niksentoka nikualantok iuan aksa akin nechchiuilij tein amo kuali?

• ¿Niknextia ke niyolnejmach maski kemansa niijsiui oso nisioujtok?

• Keman nechejko se tanemilil ika auilnemilis, ¿niman nimoijkuanilia?

• ¿Nikinchikoita akin taman kemej ixtamatij oso akin okseko kayomej?

• ¿Yankuixtok nikiluiani aksa tein amo kuali oso niknextilij ke nikualantoya?