¿Akoni no uelis nikyoleuas?

Sejse xiuit, tikinyoleuaj nochin maj touan mosentilikan keman tikelnamikij imikilis Jesús. Tikinyoleuaskej miakej akin amo tikinixmatij. Sayoj ke, no moneki tikinyoleuaskej akin tikinixmatij. Yejuan xa yaskej porin techixmatij (yb08-S pág. 11 § 3; pág. 14 § 1). ¿Akonimej uelis tikinyoleuaskej?

• Tochankauan

• Akin iniuan titekitij oso akin iniuan timomachtiaj

• Akin nemij kampa tejuan tinemij

• Akin tikinkalpanouaj porin kuali techkakij, akin tikinmachtiaj oso akin tikinmachtiayaj

Tayekananij moneki kinyoleuaskej tokniuan akin amo tanojnotsajok uan akin amo youijok nechikolmej. ¿Toni uelis tikonchiuas komo tikonneki tikonyoleuas se akin tikonixmati sayoj ke uejka nemi? Xikonita kani mosentiliskej tokniuan uan toni hora keman kielnamikiskej imikilis Jesús kampa ika yejua nemi. Uelis tikontemos kampa kijtoua TIAKONIMEJ itech jw.org, uan xikonpatskili kampa kijtoua “Ijkuak tikelnamikij imikilis Jesús”. Achto ke ejkos nejon tonal, xikonnemili akonimej uelis tikonyoleuas uan xikonyoleua.