Maj amo tikauakan Jiova porin amo uejkaua ixpoliuis tein amo kuali

KEYEJ MONEKI: Amo uejkaua mochiuas seki taman tein kinextis ox tiyolchikaujkej uan ox titakuaujtamatij iuan Jiova. Keman peuas okachi ueyi tajyouilis, ixpoliuiskej taneltokalismej tein amo melaujkej (Mt 24:21; Ap 17:16, 17). Itech nejon tonalmej, xa tikinmatiltiskej taltikpakneminij ke Jiova kintatsakuiltiti (Ap 16:21). Gog tein poui Magog techixnamikis (Eze 38:10-12, 14-16). Ompa, Jiova kichiuas maj mosentilikan “para moteuiske ika guerra iuan Dios tech ne ueyi tonal [...]. Porin sayo Yejuatsin kipixtinemi nochi chikaualis” (Ap 16:14, 16). Komo tiknekij tiyeskij tiyolchikaujkej satepan moneki tikxikoskej ouijkayomej tein axkan tikpanoskej.

KENIUJ TIKCHIUASKEJ:

• Ika yolchikaualis maj tiktakamatikan tein Jiova technauatia (Is 5:20).

• Maj tikueyichiuakan Jiova iniuan tokniuan (Heb 10:24, 25).

• Maj niman tikchiuakan tein technauatia inechikol Jiova (Heb 13:17).

• Maj itech titanemilikan keniuj Jiova kinmakixtij itekitikauan ne uejkauj (2Pe 2:9, TNM).

• Maj tiktataujtikan Jiova uan maj iuan titakuaujtamatikan (Sl 112:7, 8).

SATEPAN KE MOITAS VIDEO MONEKIS TIKNEXTISKEJ YOLCHIKAUALIS KEMAN MOCHIUAS SEKI TAMAN (TAXELOL), XIKONNANKILI NEJIN NETAJTANILMEJ:

• 

  ¿Keyej monekik tatakamatiskej tokniuan keman mopatak seki taman itech nechikol?

• 

  ¿Keyej komo titatakamatij tiknextiaj ke tiyolchikaujkej?

• 

  ¿Keyej monekis maj tiyolchikaujkej itech Armagedón?

• 

  ¿Toni tein Biblia ika tajtoua techpaleuia maj titakuaujtamatikan ke Jiova techmakixtis? (2Cr 20:1-24).