TONEMILIS KEMEJ ITATOJTOKAKAUAN CRISTO
Tiknextiaj ke titetasojtaj komo titatakamatij keman Jiova tamelaua
Keman aksa kikalankixtiaj itech nechikol, tapaleuia maj tokniuan kuali yetokan uan kipaleuia tajtakolchiujkej akin amo kiyolkokoua tein kichiuak (1Co 5:6, 11). Semi tetayokoltij keman aksa kikalankixtiaj, okachiok tayokoyaj ichankauan uan tayekananij akin kimelauaj. Sayoj ke, tiknextiaj ke titetasojtaj keman titatakamatij ijkuak Jiova tamelaua, ¿keyej ijkon moijtoua?
Yekinika, tiknextiaj ke tiktasojtaj Jiova uan tiknekij maj kuali ika motajto itokay. No tiknextiaj ke tikpoujkaitaj tein yejuatsin kiita ke chipauak (1Pe 1:14-16). Uan no, tiknextiaj ke tiktasojtaj akin kikalankixtiaj itech nechikol. Maski semi techyolkokoua keman techmelauaj, satepan “techualkuilia ne chipaukanemilis uan ne yolseuilis” (Heb 12:5, 6, 11). Komo tiksentokaskiaj kuali timouikaskiaj iuan akin kikalankixtijkej itech nechikol oso akin amo touanok mosentilia, amo tikauaskiaj maj Jiova kimelaua. Xikonelnamiki ke keman Jiova tamelaua kichiua kemej moneki (Jer 30:11). Maj tiktakamatikan tein Jiova kiixtalia. Yejua ika, maj tiksentokakan tiktekitilikan uan maj ika tikchiakan maj mokepa iuan toTajtsin teiknelijkej akin kichixtok (Is 1:16-18; 55:7).
SATEPAN KE MOITAS VIDEO SE YOLO TEIN AMO TEKAUA UAN AJSITOK IIXPAN JIOVA, XIKONNANKILI NEJIN NETAJTANILMEJ:
¿Keniuj momachiliaj tetatmej keman se ininkoneuj kikaua Jiova?
¿Keniuj tokniuan itech nechikol uelis kinpaleuiskej ichankauan tajtakolchiujkej?
¿Toni tein Biblia ika tajtoua kinextia ke moneki okachi tiktasojtaskej Jiova uan amo tochankauan?
¿Keniuj tiknextiaj ke okachi tiktasojtaj Jiova ke tochankauan?