TONEMILIS KEMEJ ITATOJTOKAKAUAN CRISTO
¿Tikonuelitaskia tikonselis Tamachtilis tein kiseliaj akin kiteixmatiltiaj iTekiuajyo Dios?
Komo tikonpia 23 hasta 65 xiujmej, tikontekitilia Dios miak tonalmej, amo tionmokokoua uan tikonneki tiontapaleuis kampa monekij okachi tanojnotsanij, ¿uelis tikonpexontis amat tein ika se tajtani se kiselis Tamachtilis tein kiseliaj akin kiteixmatiltiaj iTekiuajyo Dios? Keman peuak motemaka nejin tamachtilis hasta axkan miles tokniuan tajtaninij maj kiselikan, kemej akin kipiaj ininnamik uan tokniuan takamej uan siuamej akin ininselti. Xikontataujti Jiova maj mitsonpaleui xikonneki okachi xikontekitili Jiova uan xikonchiua kemej iKonetsin (Sl 40:8; Mt 20:28; Heb 10:7). Yekinika xikonita tein moneki tikonchiuas, xa moneki tikonyekpias mochankauan, tiontekitis oso xa tiontauika. Komo ijkon, ¿uelis tikonchiuas tein mitsonpaleuis xikonseli nejin tamachtilis?
¿Toni tekimej kiselianij tokniuan akin kipianij nejin tamachtilis? Sekin kintitanij kampa tajtouaj okse tajtol oso maj tapaleuikan itech tanojnotsalis senteixtenoj kampa miakej panouaj. Xiujmej satepan, akin kiselianij tamachtilis kintitanij kemej takalpanojkej taixpatakej, kemej takalpanouanij oso kemej misioneros. Keman tikonnemilis okachi tikontekitilis Jiova, xikonchiua kemej tanauatijkej Isaías akin kijtoj: “¡Nikan niyetok nejua! ¡Xinechtitani nejua!” (Is 6:8).
SATEPAN KE MOITAS VIDEO KINTITANIJ KEMEJ MISIONEROS: TEKITINIJ ITECH TANOJNOTSALIS, XIKONNANKILI NEJIN NETAJTANILMEJ:
¿Keniuj kinixpejpenaj misioneros maj tanojnotsatij?
¿Toni kuali tekit kichiujtokej misioneros?
¿Toni tatiochiualismej kiseliaj misioneros?