TONEMILIS KEMEJ ITATOJTOKAKAUAN CRISTO
Maj tikinitakan siuamej akin xiuejkejya kemej tomomauan uan ichpochmej kemej toikniuan
Biblia kijtoua ke moneki tikinitaskej tokniuan akin xiuejkejya kemej totatuan uan telpochmej uan ichpochmej kemej toikniuan (xikonixtajtolti 1 Timoteo 5:1, 2). Okachi moneki maj tokniuan takamej kinpoujkaitakan tokniuan siuamej.
Se tokniuj takat amo kinextiskia ke kiueuelita se tokniuj siuat nion kichiuaskia maj amo kuali momachili (Job 31:1). Uan se tokniuj takat akin amo kipia inamik amo keman kichiuaskia maj se tokniuj siuat kinemili ke kineki iuan moixmatis komo amo yejua nejon kinemilijtok.
Tokniuan tayekananij moneki kuali kinkakiskej tokniuan siuamej akin ika poujkaitalis kinchiuiliaj se netajtanil oso hasta kintapouiaj se kuejmol tein moneki moyektalis. Uan okachi mochikauaj kinpaleuiskej tokniuan siuamej akin amo kipiaj ininnamik akin uelis kinyekpias (Rut 2:8, 9).
SATEPAN KE TIKONITAS VIDEO MAJ TIKINNEXTILIKAN TOKNIUAN NETASOJTALIS TEIN AMO KEMAN TAMI: AKIN AMO KIPIAJOK ININNAMIK OSO ININTATUAN, XIKONNANKILI NEJIN NETAJTANILMEJ:
¿Keniuj tokniuan kinextilijkej netasojtalis tokniuj Myint?
¿Keniuj kiitakej akin nemij kampa ika tokniuj Myint nemi netasojtalis tein tokniuan kinextilijkej?
¿Keniuj netasojtalis tein tokniuan kinextijkej kinpaleuij isiuapipiluan tokniuj Myint?
¿Keniuj uelis tikonnextis ke ininka tionmotekipachoua tokniuan siuamej akin moajsij itech monechikol?