MAJ OKACHI KUALI TITAMACHTIKAN | OKACHI XIONYOLPAKI KEMAN TIONTANOJNOTSAS
Maj tikauakan maj tokniuan techpaleuikan
Jiova kichiua maj nochin tokniuan techpaleuikan (1Pe 5:9). Yejuan techpaleuiaj maj ueli tikchiuakan itech tanojnotsalis tein ouij techkisa. Kemej neskayot, miakej tokniuan semi kipaleuijkej tatitanil Pablo, kemej Áquila, Priscila, Silas uan Timoteo (Hch 18:1-5).
¿Keniuj uelis mitsonpaleuiskej okseki tokniuan? Uelis mitsonyolmajxitiskej keniuj tikonnankilis akin kijtouaj teisa tein ika mitsonixnamikij, toni tikonchiuas keman oksepa tikonkalpanos akin kuali mitsonkakik oso keniuj tikoniluis se taltikpaknenkej ox kiuelitaskia momachtis Biblia uan keniuj tiontamachtis. Xikonnemili akoni uelis mitsonpaleuis uan xikonilui nejon tokniuj maj mitsonpaleui. Nejon namechpaleuis nanomen uan nanmoyolchikauaskej (Flp 1:25).
SATEPAN KE TIKONITAS VIDEO TIYOLPAKIJ KEMAN TIKINCHIUAJ IMOMACHTIJKAUAN JESÚS. MAJ TIMOKAUAKAN MAJ JIOVA TECHPALEUI: TOKNIUAN, XIKONNANKILI NEJIN NETAJTANILMEJ:
¿Keniuj kiyoleuaya Rita Coral maj youi nechikolmej?
¿Keyej moneki tikinyoleuaskej okseki tokniuan maj touan yakan keman titamachtitij ika Biblia?
Nochin tokniuan itech nechikol tapaleuiaj maj se akin momachtijtok Biblia mochiua itatojtokakauj Cristo.
¿Toni kiuelitayaj Coral uan tokniuj Abigaíl?
¿Toni tein kichiuaj okseki tokniuan itech tanojnotsalis no uelis tikonchiuas?