Keman titanojnotsaskej maj ika titajtokan tein axkan panotok

Keman Jesús tanojnotsaya, ika tajtouaya tein panouaya itech nejon tonalmej uan ika tamachtiaya miak taman (Lu 13:1-5). Tejuatsin no uelis ika tiontajtos tein axkan panotok, tein tapaleuis maj taltikpakneminij kinekikan mitsonkakiskej keman tikonteixmatiltis iTekiuajyo Dios. Satepan ke ika tiontajtos se tetsauit, ke semi ouij se moixpanoltia, ke taltikpakneminij takuejmolchiuaj, ke miakej kikuij droga oso okseki taman kemej nejon, xikontajtani taltikpaknenkej se taman tein kichiuas maj tanemili. Kemej neskayot: “¿Tikonnemilia ke se tonal tamis…?” oso “¿Toni tikonnemilia ke tapaleuis maj…?”. Satepan xikonnextili se tajkuilol itech Biblia tein ika tajtoua nejon. Komo taltikpaknenkej kineki kimatis okachi, xikonnextili se video oso semej amaixmej tein moajsij itech nepaleuilmej tein ika titamachtiaj. Maj tiktemokan maj tamachtilis kinyololini akin tikinnojnotsaj uan maj tikchiuakan nochi tein monekis para tikteixmatiltiskej kuali tanauatilmej (1Co 9:22, 23).

¿Toni xa kiuelitaskiaj kimatiskej taltikpakneminij akin nemij kampa tiontanojnotsa?