Xionmochiua precursor

Komo tikixtaliaj tein uelis tikchiuaskej, techpaleuia maj kuali tikuikan tochikaualis uan totiempo achto ke tamis tein amo kuali (1Co 9:26; Ef 5:15, 16). Keman nantaueyichiuaskej kemej kalyetouanij uelis nankiitaskej toni uelis nankichiuaskej itech yankuik xiujtekit. Itech nejin amaix nankiajsiskej seki tamachtilis tein ika tajtoua seki taman tein uelis nankichiuaskej satepan ke nankitataujtiskej Jiova (Snt 1:5).

Kemej neskayot, ¿ueliskia namosenpaleuiskej kemej kalyetouanij uan ijkon semej mochiuas precursor? Uan komo tikonnemilia ke amo tikonajxitis horas, xikonnojnotsa seki precursores akin kipanotokej tein tejuatsin tikonpanotok (Pr 15:22). Keman nantaueyichiuaskej kemej kalyetouanij, uelis tikontajtanis seki taman se precursor uan satepan uelis tikonijkuilos toni hora ueliskia tiontanojnotsas. Uan komo achto katka tiprecursor, xa mopatakya tein tikonpanotoya uan uelis oksepa tikonchiuas nejon tekit.

¿Ueliskia semej mochankauan mochiuas precursor auxiliar se metsti oso okachi? Komo tionxiuejya oso tionmokokoua, uelis mojmostaj tiontanojnotsas tepitsin. Uan komo amo ueli tiontanojnotsa itech semana porin tiontekiti oso tionmomachtia, uelis tionmochiuas precursor itech se metsti keman tionmoseuis oso itech se metsti keman kipias makuil sábado uan domingo. Xikonijkuilo itech se calendario metsti keman tikonneki tionmochiuas precursor uan xikonijkuilo toni hora tiontanojnotsas (Pr 21:5).

SATEPAN KE TIKONITAS VIDEO XIKNEXTIKAN YOLCHIKAUALIS, PRECURSORES, XIKONNANKILI NEJIN NETAJTANILMEJ:

• ¿Keniuj kiyekpiak Jiova tokniuj Aamand? ¿Toni techmachtia nejin?