TAMACHTILIS TEIN KIPIA BIBLIA

Kuali ixyetoya keniuj kiueyichiuaskiaj Jehová itech templo

Tekiuaj David kiixtalij keniuj tekitiskiaj levitas uan tiopixkamej itech templo (1Cr 23:6, 27, 28; 24:1, 3; it-2-S 214 § 1; 893 § 1).

Kinixtalijkej maj tapaleuikan itech templo akin kuali tatsotsonayaj uan sekin akin yekin momachtijtoyaj (1Cr 25:1, 8; it-2-S 443 § 1).

Kinixtalijkej okseki levitas para maj tatapouanij itech templo, maj kieuanij tomin uan para maj kichiuanij okseki taman (1Cr 26:16-20; it-2-S 684 § 1).

Itech Kali kampa tiMosentiliaj achto ke peuas nechikol. 1. Tokniuan motajpalouaj uan monojnotsaj. 2. Se tokniuj takat kinextilia se siuat se taman tein yetok itech tablero. 3. Se tokniuj siuat kipantalia tomin itech cajón. 4. Se tokniuj akin kixejxeloua amaixmej itech kalnechikol kimaka se amaix se tokniuj siuat. 5. Itech plataforma, se tokniuj takat kiyektalia micrófono. 6. Se tokniuj uan iokichpiltsin tachipaujtokej.

Jehová kiuelita maj nochi moyekchiua, yejua ika no kineki maj ijkon tikchiuakan keman tikueyichiuaj (1Co 14:33).

ITECH XIONTANEMILI NEJIN: ¿Keyej tikijtouaj ke axkan no kuali ixyetok keniuj tikueyichiuaj Jehová?