TONEMILIS KEMEJ ITATOJTOKAKAUAN CRISTO
Semi toka tekitij
Tokniuan takalpanouanij uan ininsiuatsin toka kichiuaj miak taman uan kichiuaj porin techtasojtaj. Yejuan no kipiaj ouijkayomej kemej tejuan porin kemansa siouij, motayokoltiaj oso motekipachouaj (Snt 5:17). Sayoj ke sejse semana kinemiliaj keniuj kinyolchikauaskej tokniuan itech nechikol kampa takalpanouaj. ¡Tokniuan takalpanouanij itech circuito kinnamiki maj ‘semi tikintakachiuakan’! (1Ti 5:17).
Keman tatitanil Pablo takalpanoto itech nechikol ompa Roma, kinekia kinpaleuis tokniuan ‘maj okachi kuali mouikakan iuan Dios’, kinekia kinyolchikauas uan maj kiyolchikauakan (Ro 1:11, 12). ¿Kemansa tikonnemiliani keniuj tikonyolchikauas tokniuj takalpanojkej oso isiuatsin?
SATEPAN KE MOITAS VIDEO NOCHI TEIN KICHIUA SE TOKNIUJ TAKALPANOJKEJ ITECH SE XOLALKONET, XIKONNANKILI NEJIN NETAJTANILMEJ:
¿Toni motemakaj kichiuaskej tokniuan takalpanouanij uan ininsiuatsin porin kintasojtaj tokniuan?
¿Keniuj mitsonpaleuianij tejuatsin?
¿Keniuj uelis tikinyolchikauaskej?