Tejuatsin tikonixpejpenas keniuj tionnemis

Kemej 3,500 xiujmejya, Jiova kiniluij akin kiueyichiuayaj tein monekia kichiuaskej para kuali nemiskiaj: “Niktalij moixpan nemilis uan mikilis, tatiochiualis uan taijtakolis; uan moneki tikixpejpenas nemilis uan ijkon tiyoltos, tejua uan mokoneuan” (Deuteronomio 30:19).

Komo yejuan kinekiaj kuali nemiskej monekia kiixpejpenaskej tein okachi kuali. Axkan, tejuan no moneki maj ijkon titaixpejpenakan. Biblia kimelaua tein moneki tikchiuaskej para tikchiaskej kuali tinemiskej: “Xiktasojta Jiova moDios, xikaki itajtol” (Deuteronomio 30:20).

¿KENIUJ UELIS TIKONTASOJTAS JIOVA UAN TIKONKAKIS ITAJTOL?

XIONMOMACHTI TEIN BIBLIA KIJTOUA. Para tikontasojtas Jiova, moneki achto tikonmatis keniuj Biblia ika tajtoua yejuatsin. Keman tikonchiuas, tikonitas ke semi tetasojta uan kineki kuali xionyeto. No kineki xikonchiua netataujtil porin moka motekipachoua (1 Pedro 5:7). Komo tionmochikaua tikonixmatis Dios, Biblia kijtoua ke yejuatsin motokis mouan (Santiago 4:8).

XIKONCHIUA TEIN TIONMOMACHTIA. Para tikakiskej Dios moneki tikchiuaskej tein techiluia, tein tikonitas itech Biblia. Keman tikonchiuas, mitsonpanos kemej kijtoua Josué 1:8: “Tein tikchiuas kuali kisas uan tikchiuas teisa ika tamatilis”.