¿Tikonmatia?
¿Keyej kuali katka maj Jiova kinkauani israelitas maj kitemakanij tórtolas uan palomas?
TANAUATIL tein Moisés kiselijka, kijtouaya ke israelitas ueliskia kimaktiliskej Jiova tórtolas uan palomas. Nejin ome totomej nochipa sennesij itech tanauatilmej tein ika tajtouaya netemaktilmej. Israelitas uelia kitemakayaj tórtolas oso palomas (Lev. 1:14; 12:8; 14:30). Nejin kuali katka porin amo nochipa onkayaj tórtolas. Maj tikitakan keyej.
Tórtola
Tórtolas nemij xolal Israel itech tonalmej keman semi tona. Itech metsti octubre (otoño), tórtolas youij nemitij itech altepemej tein moajsij kampa ika sur kampa semi tona, uan mokepaj Israel itech primavera (Cant. 2:11, 12; Jer. 8:7). Yejua ika, keman taseseyaya, israelitas ouij kinkisaya kinajsiskej tórtolas para kimaktiliskej Jiova.
Paloma brava
Sayoj ke palomas amo youij nemitij okseko, yejua ika onkayaj nochi xiuit itech xolal Israel. Uan no, uelia momatiaj kalijtik (no xikonita Juan 2:14, 16). Se amatajkuilol kijtoua ke “itech nochi xolalmej ompa Palestina, taltikpakneminij kinpiayaj palomas ininchan. Itech nochi kalmej takoyoniayaj itech tepamit kampa ueliskia nemiskej palomas” (no xikonita Isaías 60:8).
Paloma yetok kampa nemi
¿Toni techmachtia nejin? Ke Jiova se Dios tetasojtakej uan teajsikamati porin kinkauaya israelitas maj kimakanij totomej tein onkayaj nochi xiuit.