Tein uelis timomachtiskej
Kuali xikonixmati tonekuikatiluan
“Keman semi nitayokoxtok, Jehová nechyolchikaua ika nekuikatilmej tein kisaj itech JW Broadcasting®” (Lorraine, Estados Unidos).
Itekitikauan Dios nochipa mokuikatianij para kiueyitaliskej Jehová (Col. 3:16). Komo kuali tikonixmati nekuikatilmej uelis mitsonpaleuis maski amo tikonpias se amaix oso se tepos kampa uelis tikonitstias. Nikan tikonajsis seki taman tein mitsonpaleuis kuali xikonelnamiki nekuikatilmej. ¿Keyej amo tikonchiua?
Xikonxelo tiempo para tikonixtajtoltis uan tikonajsikamatis tein kijtouaj nekuikatilmej. Keman kuali tikajsikamatij teisa okachi amo ouij techkisa tikelnamikiskej. Itech jw.org tikonajsis kampa ijkuiliujtokej nekuikatilmej, hasta tein kisaj itech JW Broadcasting uan nekuikatilmej para konemej. Para tikonajsis, xikonpatskili kampa kijtoua “Biblioteca” uan satepan “Tatsotson”.
Xikonijkuilo nekuikatil itech se amat. Nejon mitsonpaleuis xikonelnamiki tein kijtoua (Deut. 17:18).
Xionmotenchikaua keman tionmomamachtis. Miakpa xikonixtajtolti oso xionmokuikati se nekuikatil.
Xikonita ox tikonelnamiki. Xionmoelnamikti tein kijtoua nekuikatil uan amo xikonitstiuj uan satepan xikonita ox ijkon kijtoua.