“Kintapojpoluilij inintajtakoluan akin nenkej ne uejkauj”

Jehová ueli techtapojpoluia sayoj porin Jesús toka momikilij (Efes. 1:7). Sayoj ke Biblia kijtoua ke Dios “amo yolijsiuik uan kintapojpoluilij inintajtakoluan akin nenkej ne uejkauj” (Rom. 3:25). Nejon kijtosneki ke peuak kintapojpoluia oksekin desde achto ke Jesús toka momikiliskia. ¿Keniuj Jehová uelik kintapojpoluilij inintajtakoluan akin nenkej achto ke Jesús toka motemakaskia uan amo no kitapanauilij tein yejua kiixtalijka ke kuali yetok?

Jehová motenkauak ke kiixtaliskia aksa para maj kinmakixti akin iuan takuaujtamatiskiaj. Desde ijkuak Jehová kiitaya ke Jesús kemej yeskia toka motemaktijkaya (Gén. 3:15; 22:18). Jehová senkis kineltokaya ke iKonetsin motemakaskia para techmakixtiskia ijkon kemej kiixtalijka (Gál. 4:4; Heb. 10:​7-10). Keman yetoya nikan taltikpak Jehová kichiuak maj Jesús uelini kintapojpoluiliani inintajtakoluan akin iuan takuaujtamatiaj. Jesús uelik kichiuak nejin porin kimatia ke keman toka momikiliskia ueliskiaya kintapojpoluiskej (Mat. 9:​2-6).