Maj kuali tikuikan taixkopimej

Toamaixuan kipiaj miak taixkopimej tein techpaleuiaj maj tikelnamikikan tamachtilis tein okachi moneki. ¿Toni uelis tikchiuaskej para maj techpaleuikan?

• Xikonita taixkopimej achto ke tikonleros tamachtilis. Nejon mitsonpaleuis xikonnejneki tikonleros nochi tamachtilis. Keman tikonita se takual tein uelik, niman tikonneki tikonkuas, no ijkon okachi tikonnekis tikonleros tamachtilis komo achto tikonita taixkopimej. Yejua ika achto ke tikonleros se tamachtilis, xionmotajtani: ¿Toni taixkopimej nikita?” (Amós 7:​7, 8).

• Keman tikonleros tamachtilis xikonnemili keyej kitalijkej nejon taixkopin. Komo tatsintan kijtoua teisa den taixkopin, xikonlero. Xikonnemili keniuj taixkopin kipaleuia tamachtilis uan toni mitsonnextilia.

• Satepan ke tikonleros tamachtilis, oksepa xikonita taixkopimej para maj mitsonelnamikti tamachtilismej tein okachi tayekantokej. Satepan xikontsakua moixtololouan uan xionmochikaua tikonelnamikis taixkopimej uan toni mitsonnextilijkej.

• Oksepa xikonita taixkopimej de nejin amaix uan xikonita ox ueli tikonelnamiki tein tionmomachtij.