ITAJTOL DIOS KIPATAK ININNEMILIS

Kiajsikej “se tetsin tein semi patiyoj”

Jesús tamachtij ke iTaixyekanalis Dios kimelauas nochi kuejmolmej tein axkan onkak (Mateo 6:10). Itech Mateo 13:44-46, kitetapouij ome taman tein ika kinextij ke semi kipia ipatiuj tamachtilis tein melauak tein mouika ika iTaixyekanalis Dios:

Taixkopimej: Ome takamej tein Jesús ininka tajtoj. 1. Se takat tachkuatoya kampa tatokaj uan kimoujkaita tein kiajsik. 2. Okse takat maktok se tetsin tein semi patiyoj uan ixuetska.

Se takat akin tekititoya kampa tatokaj kiajsik se teisa tein tel patiyoj maski amo kitemojtoya.
Se tanamakakej akin kitemojtinemia tetsitsin tein semi patiyojkej kiajsik se tetsin tein semi patiyoj.

Nejon ome takamej ika miak pakilis kinamakakej nochi para kipiaskej nejon tein tel patiyoj tein kiajsikej. Yejuan omen kinixnextia akin semi kipatiuitaj iTaixyekanalis Dios uan kinolinia maj kikauakan miak taman para kipiaskej tatiochiualismej tein kiualkuis nejon Taixyekanalis (Lucas 18:29, 30). Itech nejin video, moijtoua tein kichiujkej se takat uan se siuat akin tamatij kemej nejon takamej akin Jesús ininka tajtoj.