¿Kichiuas iTaixyekanalis Dios maj nochin paktokan?

“Maski kaxanikya COVID-19 itech nochi taltikpak, amo kijtosneki ke ijkon kisentokasya. Tikmatij ke uelis peuas okse ueyi kokolis tein temaua uan moneki axkan tikmatiskej keniuj tikixnamikiskej” (Tedros Adhanom Ghebreyesus, director general de la Organización Mundial de la Salud, 22 de mayo de 2023).

Nejin ueyi kokolis COVID-19, miakej kinualkuilij okseki kokolismej oso kichiuak maj amo kuali momachilikan uan hasta axkan amo yekpajtij. Tekiuanij uan akin kiixyekanaj tapajtilis, ¿kipiaj tein monekis para kiixnamikiskej keman peuas okse ueyi kokolis tein temaua? Uan tein okachi moneki, ¿uelis techpaleuiskej maj amo tikokolispeuakanok?

Biblia kijtoua ke “Dios akin nemi iluikak kiixtalis se taixyekanalis” uan nejon taixyekanalis kichiuas maj tinochin tipaktokan (Daniel 2:44). Uan nejon tonalmej, nikan taltikpak amo akin kijtos: “Nimokokoua” (Isaías 33:24). Nochin paktoskej uan chikaujtoskej kemej akin moskaltijtokej (Job 33:25).