¿Peuas Armagedón ompa Israel? | ¿Toni kijtoua Biblia?

Biblia amo kijtoua ke keman peuas Armagedón sayoj moteuiskej itech seki altepemej, ta kijtoua ke tekiuanij de nochi taltikpak uan Dios, moteuiskej.

• “Amokuali ejekamej kichiuaj maj kijtokan [seki tajtolmej uan] [...] kinmatiltiaj akin tekiuajtij itech nochi taltikpak uan ijkon kinsentiliskej para maj moteuikan itech iueyi tonal Dios, akin kipia nochi chikaualis. [...] Kinsentilijkej tekiuanij kampa motanotsa Armagedón itech tajtol hebreo” (Apocalipsis 16:14, 16).

Tajtol Armagedón tein kisa de tajtol hebreo Meghiddóhn, kijtosneki “tepet Megidó”. Ijkon monotsaya se xolal tein pouia Israel ne uejkauj. Yejua ika sekin kinemiliaj ke Armagedón yeski ompa Israel. Sayoj ke ompa Meguidó oso ompaka, amo kanaj taueyika kampa uelis mosentiliskej “akin tekiuajtij itech nochi taltikpak” iniuan ininsoldados.

Amatajkuilol Apocalipsis, nochi “kiixnextia” tein mochiuati (Apocalipsis 1:1). Yejua ika Armagedón amo kijtosneki se tal oso xolal, ta yejua keman itech nochi taltikpak, tekiuanij uan oksekin, senolochmej kiixnamikiskej iTaixyekanalis Dios uan amo kemanok oksepa ijkon mochiuas (Apocalipsis 19:11-16, 19-21).