Ajko para opochmakopa: Marek M. Berezowski/Anadolu Agency via Getty Images; tani para opochmakopa: Halfpoint Images/Moment via Getty Images; centro: Zhai Yujia/China News Service/VCG via Getty Images; ajko para yekmakopa: Ismail Sen/Anadolu Agency via Getty Images; tani para yekmakopa: E+/taseffski/via Getty Images
¡MAJ TITACHIXTOKAN!
Semi techtekipachoj tein mochiuak itech xiuit 2023 | ¿Toni kijtoua Biblia?
Tein mochiuak itech xiuit 2023 itech nochi taltikpak, kiyeknextia ke tinentokej itech tonalmej tein Biblia kitokaytia “tonalmej keman tatamitiya” (2 Timoteo 3:1). Tein mochiujtok axkan yejua tein Biblia kijtojka ke mochiuaskia. Tikitatij seki taman.
Tein kijtojka Biblia uan tein mochiujtok
“Moteuijtokej uan nankimatiskej ke miakkan no moteuijtokej” (Mateo 24:6).
“Okachi miakkan itech taltikpak moteuiaj”.a
Xikonita nejin ome tamachtilis: “¿Akoni kinmakixtis akin nemij kampa moteuiaj?” uan “Taxtaujkej panoua 2 billones de dólares para ininsoldados uan tein ika tateuitij”.
“Miakkan talolinis”(Marcos 13:8).
“Desde ke peuak xiuit 2023 uan hasta axkan, mochiuak 13 talolinilis tein katka chikauak 7 oso okachi chikauak. Nejin yejua sekin tein okachi chikaujkej”.b
Xikonita tamachtilis “Chikauak talolinik ompa Turquía uan Siria”.
“Kiitaskej tein kintetsaujkamoujtis”(Lucas 21:11).
“Kisentoka okachi momachilia totonik uan uelis peuas okachi momachilis”(António Guterres, secretario general de las Naciones Unidas).c
Xikonita tamachtilis “Nejin itajkotian xiuit 2023 noyampa semi momachilia totonik”.
“Mayan”(Mateo 24:7).
“2023: Kemej ipa semi motekipachojkej akin kinouijmaka kitaniskej tein ika kinixpanoltiskej ininchankauan”.d
Xikonita tamachtilis “Tasojti takual porin onkak neteuilis uan motelmachilia totonik”.
“Tein mochiujtos semi ouij yeski uan tamouilil”(2 Timoteo 3:1).
“Itech se de chikueyin akin nemij itech nochi taltikpak, kipiaj se taman kokolis tein kichiua maj semi motayokoltikan”.e
Xikonita tamachtilis “Okachi miakej telpochmej uan ichpochmej semi tayokoyaj”.
¿Toni panos itech xiuit 2024?
Amo akin kimati toni panos itech okse xiuit. Sayoj ke tein axkan mochiujtok kinextia ke amo uejkaua iTaixyekanalis Dios, se taixyekanalis tein moajsi ne iluikak, kinajchiuas tekiuanij de nikan taltikpak uan kitamis nochi tein kichiua maj titajyouikan uan maj timotekipachokan (Daniel 2:44; Apocalipsis 21:4).
Uan axkan tonalmej komo semi timotekipachouaj, uelis tiktajtaniskej Dios maj techpaleui. Biblia kijtoua:
“Keman nimoui, mouan nitakuaujtamati” (Salmo 56:3).
¿Keniuj uelis tiknextiskej ke titakuaujtamatij iuan Dios? Timitsonyoleuaj xikonita toni kijtoua Biblia ke mochiuati amo uejkaua uan ijkon amo onkasok tajyouilis. Uelis mitsonmachtiskej ika Biblia para tikonmatis nochi tein kualtsin tein Biblia kijtoua ke mochiuati. Uan nejin uelis mitsonpaleuis tejuatsin uan no mochankauan.
a Foreign Affairs, “A World at War: What Is Behind the Global Explosion of Violent Conflict?” (Un mundo en guerra: ¿Qué hay detrás de la explosión mundial de conflictos violentos?), Emma Beals y Peter Salisbury; 30 de octubre de 2023.
b Motematiltia ke talolini, “2023: Okachi miakkan chikauak talolini uan okachi kisentokas”; mayo de 2023.
c Naciones Unidas, “Secretary-General’s Opening Remarks at Press Conference on Climate” (comentarios del secretario general sobre el clima en una rueda de prensa); 27 de julio de 2023.
d Programa Mundial de Alimentos, “Noyampa kisentoka tasojti takual”.
e Organización Mundial de la Salud, “Día Mundial de la Salud Mental”; 10 de octubre de 2023.