¿Keyej amo kitokaytiaj tiopan kampa taueyichiuaj?

Tajtol griego tein mokuik keman moijkuiloj Biblia uan tein mokepa kemej “tiopan” kijtosneki nechikol, se oloch taltikpakneminij akin amo kikauaj Dios, amo kampa monechikouaj.

Kemej neskayot, keman tatitanil Pablo kintajkuilouilij itatojtokakauan Cristo akin nemiaj Roma, kijtoj maj kintajpalouilianij, Áquila uan Priscila, akin katkaj namikuanij, uan no kijtoj: “Xikintajpalokan nochi in tokniuan taneltokani ten mosentilia inchan Priscila uan Aquila” (Romanos 16:5). Kemej tikitaj Pablo kintajpalojtoya se oloch taltikpakneminij, akin mosentiliayaj itech nejon kali.a

Yejua ika, amo tiktokaytiaj tiopan kampa titaueyichiuaj, ta okachi kuali tiktokaytiaj Kali kampa tiMosentiliaj.

¿Uan keyej kitokaytiaj Kali kampa Mosentiliaj iTaixpantijkauan Jiova?

Onkak miak taman keyej kinamiki nejon tokayit. Maj tikitakan seki:

• Nejin se kali, kampa timosentiliaj.

• Timonechikouaj porin tiknekij tikueyichiuaskej Jiova, Dios akin ika tajtoua Biblia, uan porin tiknekij tikteixmatiltiskej (Salmo 83:18; Isaías 43:12).

• No timonechikouaj porin tiknekij okachi timomachtiskej ika iTekiuajyo Dios, tein ika semi tajtoj Jesús (Mateo 6:9, 10; 24:14; Lucas 4:43, Traducción del Nuevo Mundo).

Timitsonyoleuaj xikonkalpano se Kali kampa tiMosentiliaj tein moajsis ompakauin kampa tionnemi uan ijkon tikonitas keniuj kichiuaj ininnechikoluan itaixpantijkauan Jiova.