¿Moneki tipouiskej itech se taneltokalis?

Tein Biblia kijtoua

Kemaj, porin Dios kineki maj mosentilikan para kiueyichiuaskej. Biblia kijtoua: “Maj inintech titanemilikan oksekin uan ijkon okachi timotasojtaskej se iuan okse uan tikchiuaskej tein kuali uan maj amo tiksenkauakan tonechikoluan” (Hebreos 10:24, 25).

Jesús kijtoj ke akin kitojtokaj monekia senpouiskej. Kiniluij: “Ijkon nochin kimatiskej ke namejuan nannomomachtijkauan: komo namotasojtaj se iuan okse” (Juan 13:35). Yekinika taman tein kinextiskia ke motasojtaj itatojtokakauan Cristo yejua keman mosentiliskiaj iniuan oksekin.Uan nejin uelis mochiuas komo ixyetok keniuj se mosentilis uan se kiueyichiuas Dios (1 Corintios 16:19). Uan ijkon uelis senpoujtoskej tokniuan akin nemij itech nochi taltikpak (1 Pedro 2:17).

Amo sayoj moneki se pouis itech se taneltokalis

Biblia kinextia ke moneki se mosentilis uan se kiueyichiuas Dios. Sayoj ke amo kanaj kiteajsikamatiltia ke aksa uelis kiyolpaktis Dios sayoj porin poui itech se taneltokalis. Ta moneki kichiuas tein kuali itech inemilis. Porin Biblia kijtoua: “ToTajtsin Dios kiita ke taueyichiualis tein chipauak uan amo pitsotik yejua nejin: maj se kinpaleui akin amo kipiaj inintatuan uan siuatsitsin akin momikilijya inintakatsin keman tajyouijtoskej, uan maj amo tikauakan maj techpitsotili kemej nemij akin amo tatakamatij” (Santiago 1:27).