Keniuj kinpaleuijkej akin kinijtakoj tetsaujmej itech xiuit 2023: “Tikitaj keniuj Jehová kinextia ke techtasojta”

Biblia kijtojka ke keman “tamitiya tein mochiujtok itech taltikpak”, “akin nemij itech se altepet [moteuiskiaj] iniuan akin nemij itech okse altepet” uan mochiuaskiaj tetsaujmej (Mateo 24:3, 7). Uan nejin tajtolmej kemaj mochiuak itech xiujtekit 2023.a Miakkan moteuijkej uan mochiujkej tetsaujmej kemej itech 100 países uan xolalmej, sayoj ke itaixpantijkauan Jehová kinextijkej ke tetasojtaj kemej Jehová. ¿Keniuj kichiujkej?

Itech xiujtekit 2023, mochiuak panoua 200 tetsaujmej oso neteuilis tein kinijtakoj tokniuan. Yejua ika entidades legales de itaixpantijkauan kikuikej panoua 10 millones de dólaresb para kinpaleuiskej akin kinijtakoj nejon tetsaujmej. Uan miakej hasta motaxtauilijkej para kinpaleuitiuij tokniuan kampa kinijtakoj tetsaujmej. Xikonita keniuj ojkan mokuik tomin tein tikontemakak para kinpaleuiskej tokniuan akin kinijtakoj tetsaujmej.

“Yekmelauj techtasojtakej”

Kansaika ompa Nigeria ipa motaateka keman semi kioui. Sayoj ke itech octubre de 2022 semi motaatekak kemej amo panotoya itech majtakti xiuit. Panoua 676,000 hectáres polouik tatok tein kitokkaj uan panoua ome millones monekik kisaskej de ininchan. Niman tokniuan akin tekitij itech sucursal de Nigeria kinixtalijkej tokniuan akin kiitaskiaj maj kinpaleuikan akin kinijtakoj tetsauit uan maj kinyolchikauanij ika Biblia.

Keniuj kinijtakoj tokniuan

• 7,505 tokniuan monekik kisaskej de ininchan.

• 860 kalmej uejueliujkej oso ixpoliujkej.

• 90 Kalmej kampa tiMosentiliaj uan se kali kampa mochiua uejueyi nechikolmej apexonkej.

Keniuj tikuij tomin

Panoua 250,000 dólares mokuik para kinpaleuiskej akin kinijtakoj tetsauit. Tomin ijkon mokuik:

• Kikoujkej arroz, et uan fideos uan okseki takual.

• Kikoujkej colchones oso mosquiteros uan okseki taman tein mokui kalijtik.

• Kiyektalijkej oso oksepa kichijchiujkej kalmej tein uejueliujkej.

¿Toni kichiujkej tokniuan para kuali kikuiskiaj tomin tein kitemakaj tokniuan? Kiyekitayaj sejse kali ox ueliskia moyektalis oso monekia oksepa mochijchiuas. Komo monekia yankuik mochijchiuas, kichijchiuayaj kemej chijchiujtokej okseki kalmej itech xolal.

Semi kitasojkamatij tokniuan. Se tokniuj siuat kijtoj: “Semi mopatak kemej tinemiaj keman motaatekak, porin nochi poliuik tein tiktojtoyaj uan tochan kiuikak at. Semi tiyolseujkej keman tokniuan niman techpaleuikoj uan techmakakej kani timokauaskiaj kampa amo teyi techpanoskia. Uan no kuali timomachilijkej keman kikauakoj takual tein kiualtitanik sucursal. Tikitanij keniuj mochiuak kemej kijtoua Juan 13:34, 35. Tikmojkaitakej. Yekmelauj techtasojtakej. Nochankauan uan nejua ika nochi toyolo tiknekij tamechiluiskej, tasojkamatik miak nantechpaleuikoj keman okachi monekia”.

Oksekin no kiitaj keniuj timopaleuiaj. Ompa Sabagreia, (Bayelsa), akin taixyekana itech xolal kijtoj: “Onkakej organizaciones uan taneltokalismej itech taltikpak, sayoj ke itaixpantijkauan Jehová sayoj yejuan ijkon mopaleuiaj. Amo akin kemej yejuan”.

“Tikitaj keniuj Jehová kinextia ke semi techtasojta”

Itech metsti febrero de 2023, ompa Chile panoua 400 kampa motatikuik uan semi taixpoloj. Tachichinauik panoua 430,000 hectáres uan okseki taman tein semi tapaleuia. Uan kemej 8,000 monekik kisaskej de ininkalijtik. Niman tokniuan akin tekitij itech sucursal, kiitaj maj kinpaleuikan akin kinijtakoj nejon tetsauit.

Keniuj kinijtakoj tokniuan

• 222 tokniuan monekik kisaskej de ininchan.

• 20 kalmej tamichichinaujkej.

Keniuj mokuik tomin

Mokuik panoua 200,000 dólares para kinpaleuiskej akin kinijtakoj nejon tetsauit. Tomin mokuik ijkon:

• Kikoujkej takual uan at.

• Kikoujkej combustible, pajti uan tein mokui para se mochipauas.

• Kiyektalijkej kalmej tein moijtakojkej.

Seki kalyetonij moujkatachixkej keman kiitakej ke ininchan uan tein ininaxka nochi ixpoliuik. Yejua ika amo kipiayajok nion teyi tein ika moixpanoltiskej. Keman kiitakej ke oksepa kinchijchiuiliaj ininchan, peuak kiyekmatij. No kinpaleuij maj taxikouanij keman kinnextiliayaj ke semi kintasojtayaj. Yejuan semi kinyololinij nejon uan hasta peuak no tapaleuiaj para maj moyekchijchiuani ichan okse tokniuj.

Miakej tokniuan semi kimojkaitakej keniuj kinpaleuiayaj akin kinijtakoj tetsauit. Se tokniuj kijtoj: “Jehová techinmaka tokniuan akin kinixtaliaj maj kiitakan maj motapaleui kampa mochiua tetsauit. Mostika keman panok tetsauit, techpaleuijtoyajya ika tein monekia. Maski semi teyolchikaua se kileros keniuj kinpaleuiaj kampa panoua tetsauit, okachi se kitasojkamati tein kichiua inechikol Jehová keman tejuan teijtakoua tetsauit. No semi tiktasojkamati maj kinextikan tein Jehová kinextia uan maj kiitakan xikpia tein ika timoixpanoltis, uan xiksentoka kuali ximouika iuan Jehová. Tikitaj keniuj Jehová kinextia ke semi techtasojta”.

Ijkon kemej motokia tonal keman tatamis, okachi mochiuas tetsaujmej (Lucas 21:10, 11). Maski ijkon, toTekiuaj Jesucristo, yetos touan “hasta keman tantiasya tein mochiujtok itech taltikpak” (Mateo 28:20). Nochipa keman tikontemaka tomin para ika mochiuas itekiyo Dios itech nochi taltikpak itech donate.jw.org oso okseko, uan tiontapaleuia ika motiempo uan chikaualis, tikonnextia ke tikonpaleuia Tekiuaj uan iTaixyekanalis. Tiktasojkamatij monepaleuil.