Tajtolmelaualis

a Keman Jesús ika tajtoj tein panoskia itech itamian tonalmej, kintapouij imomachtijkauan miak neskayomej. Yekinika ika tajtoj “takeual ten yolkuali uan ten kuatamatke”, seki tokniuan taixpejpenalmej akin kiixyekanaskiaj ixolal Dios (Mat. 24:45-47). Ompa kijtoj seki neskayomej tein mouika iniuan nochin tokniuan taixpejpenalmej (Mat. 25:1-30). Uan satepan, ininka tajtoj akin kinpaleuiskiaj iikniuan Cristo uan nemiskiaj nochipaya nikan taltikpak (Mat. 25:31-46). No ijkon, keman tein kijtojka Ezequiel peuak mochiua itech totonaluan, yekinika mochiuak iniuan akin kichiaj nemiskej iluikak. Uan maski majtakti kalyetouanij miakpa amo kinixnextiaj akin nemiskej nochipaya nikan taltikpak, kualtsin senyetolis tein ika tajtoua Ezequiel techelnamiktia kualtsin senyetolis tein kipiaj akin nemiskej nikan taltikpak uan taixpejpenalmej.