Tein timomachtiaj itech nechikol (2025) | septiembre

22-28 DE SEPTIEMBRE

ECLESIASTÉS 1, 2

Nekuikatil 103 uan netataujtil | Tein timomachtiskej (1 min.)

TAMACHTILIS TEIN KIPIA BIBLIA

1. Xiksentokakan xikinmachtikan telpochmej uan ichpochmej

(10 mins.)

[Xikontali VIDEO Tein ika tajtoua amatajkuilol Eclesiastés].

Akin uejueykej moneki kinmachtiskej akin okachi telpochmej (Ec 1:4; w17.01 26, 27 § 3, 4).

Keman tikinmachtiaj oksekin keniuj kichiuaskej se tekit para Jehová uan tikauaj maj kichiuakan, tikinpaleuiaj maj kiitakan ke semi se yolpaki keman se mochikaua se kitekitilis (Ec 2:24).

Se tayekankej akin telpochok kiixyekantok “Tanejmachtijkej”, uan toknitsin akin taixtajtoltia akin xiuejya, yolpaki kiitas. — Maski tikonuelita tekit tein axkan tikonchiujtok, xikonmachti akin okachi telpochmej maj kichiuakan nejon tekit.

2. Maj tiktemokan tamachtilis ika nejmachkayot

(10 mins.)

Ec 1:7. ¿Toni panoua para maj ueli kioui uan toni techmachtia de Jehová? (w20.05 22 § 6).

Motanankilil
¿Toni tamachtilis tikonajsik keman tikonleroj Biblia nejin semana?

Motanankilil

3. Tein tiklerouaj de Biblia

(4 mins.) Mt 8:1-17 (th tamachtilis 11).

MAJ OKACHI KUALI TITAMACHTIKAN

4. Xionpeua xikinnojnotsa oksekin

(2 mins.) XIONTANOJNOTSA KAMPA YESKI. Xikontemo toni kiuelitaskia ika tajtos akin tikonnojnotstok uan xikixtalikan kemanian uelis oksepa nantajtoskej (lmd tamachtilis 3 punto 5).

5. Xionpeua xikinnojnotsa oksekin

(2 mins.) XIONTANOJNOTSA KAMPA MIAKEJ PANOUAJ. Xikonkui semej “Tamachtilismej tein kipia Biblia tein tikuelitaj ika titajtoskej” tein moajsi itech tamajsikayot 1 den amaix Maj tikintasojtakan uan xikonchiua kemej kijtoua yekinika párrafo (lmd tamachtilis 2 punto 3).

6. Oksepa xikinkalpano

(2 mins.) XIONTANOJNOTSA KAMPA YESKI. Xikonnankili teisa tein mitsontajtanij de Biblia aksa akin achto iuan tionmonojnotska (lmd tamachtilis 9 punto 5).

7. Xikinpaleui maj kitojtokakan Cristo

(5 mins.) XIONTANOJNOTSA KAMPA MIAKEJ PANOUAJ. Xikonnextili akin tikonnojnotstok keniuj titamachtiaj ika Biblia uan xikixtalikan kemanian uelis nankisentokaskej namomachtiskej (lmd tamachtilis 10 punto 3).

TONEMILIS KEMEJ ITATOJTOKAKAUAN CRISTO

Nekuikatil 84

8. Eyi taman tein techpaleuis keman tikinmachtiskej okseki tokniuan

(15 mins.) Nemachtil iniuan takakinij.

Seki taixkopimej tein kinextiaj keniuj seki tokniuan kinmachtiaj oksekin. 1. Se tokniuj takat kimachtia se tokniuj siuat keniuj kikuis se sierra keman tekititokej kampa mochijchiujtok se Kali kampa tiMosentiliaj. 2. Se toknitsin momachtia itanojnots keman amo akin yetok itech Kali kampa tiMosentiliaj uan se toknitsin akin xiuejya kuali kikaktok. Toknitsin kipia imako amaix “Maj okachi kuali titaixtajtoltikan uan titamachtikan”. 3. Se tokniuj kimachtia se okichpil keniuj kipatas pilas tein kipia micrófono. 4. Se tepopaj uan ome ikoneuan tachipauaj itech Kali kampa tiMosentiliaj. Se tepopaj uan ikoneuj akin tayekana kichipauaj plataforma uan okse ikoneuj kichipaujtok atril ika se tasal. — Komo tikintasojtaj oksekin tikinmachtiskej nochi tein tiuelij para maj yejuan no kinyolpakti kichiuaskej tekimej tein Jehová techmakani.

Komo tiknekij tikmatiskej keniuj tikinmachtiskej oksekin, moneki tikitaskej keniuj kichiujkej sekin akin ininka motajtoua itech Biblia. Ompa tikitaj keniuj Elías kimachtij Eliseo, keniuj Samuel kimachtij Saúl, keniuj Jesús kinmachtij akin kitojtokayaj uan keniuj Pablo kimachtij Timoteo. Sayoj ke, akin okachi kuali tamachtia yejua Jehová. ¿Keniuj uelis titamachtiskej kemej Jehová?

Xikontali VIDEO Maj tikinmachtikan oksekin kemej Jehová kichiua (Juan 5:20) (taxelol). Uan xikontajtani tokniuan:

Keman tikitaj keniuj Jehová kinmachtia oksekin, ¿toni eyi taman techmachtia?

Motanankilil