² Biblia kinextia se tanemilil tein melauak: “Akin nentinemi iniuan akin tamatinij mochiuas tamatkej, sayoj ke akin mouika iniuan akin amo tamatij kipias ouijkayot” (Proverbios 13:20). Tajtolmej “nentinemi imiuan” tein mokui itech nejin texto, amo kijtosneki ke sayoj kemansa moita iuan taltikpaknenkej, ta kijtosneki ke nochipaya iuan mouika.a Se amaix tein kimelaua tein kijtoua Biblia, no ijkon kimelaua nejin texto: “Se nentinemis iuan aksa kijtosneki ke kualtsin se mouika iuan, uan se kiuelita kemej monejnemiltia”. ¿Uan melauj ke no timonejnemiltiaj kemej akin iuan timouikaj? Tein melauj, ijkon kemej timouikaskej iuan aksa, ijkon techpaleuis oso techijtakos.