⁸ Keman tekiuaj kikaki itanejmachtilis Jonás, no peua kimoujkatoka Dios uan moyolnonotsa. Yejua ika, moketsa uan mokixtilia itekiuajtaken, uan no motakentia ika tiltik takemit kemej motalilijkej akin kinixyekana uan motalia “itech koujnex” tein ika kinextia ke tayokoxtok. Satepan yejua uan “uejueyi chiuanimej” kitalijkej tanauatil maj mosauakan ijkon kemej ipa kichiujtokej akin nemij itech xolal. Kijtoj maj taltikpakneminij uan tapialmej motakentikan ika tojmit.b Uan no ika yolyemanilis tekiuaj kijtoua ke akin nemij itech xolal semi amo kuali tein kichiuanij uan semi tateuianij. Moita ke kichia maj Dios kiita ke moyolnonotsaj uan maj kinikneli, ta kijtoua: “Xa ijkon Dios akin melauak [...] kiseuis ikualanyo uan amo techixpolos” (Jon. 3:6-9).