9. ¿Toni miakej kineltokaj ke panok ika pan tein Jesús kikuik?

⁹ Miakej taneltokanij kijtouaj ke Jesús yekmelauj kijtojtoya “Nejin yejua nonakayo” uan yejua ika kinemiliaj ke mochiuak se mouiskatekit uan pan mochiuak inakayo Jesús. Sayoj ke amo yejua nejon panok.a Inakayo Jesús ompa yetoya, ininixpan tatitanilmej akin amo keman kikaujkej, uan no ompa moajsia pan tein amo kipiaya tein ika xokoyas tein yaya kikuatij. Moyekita ke Jesús ika tajtojtoya se ixneskayot, kemej miakpa kichiuak ijkuak tamachtiaya (Juan 2:19-21; 4:13, 14; 10:7; 15:1).

10. ¿Toni kiixnextia pan tein mokui itech iTakualis toTekotsin?

¹⁰ Pan tein tatitanilmej kiitayaj uan tein yaya kikuatij kijtosnekia inakayo Jesús. ¿Katiyejua? Itech seki tonalmej, itatojtokakauan Cristo kineltokayaj ke kemej Jesús kitapanak pan sayoj ke nion semej iomiyouan kipostekilijkej, pan kijtosnekia senolochmej tokniuan taixpejpenalmej, akin itech Biblia kintokaytiaj “inakayo Cristo” (Efes. 4:12, TNM; Rom. 12:4, 5; 1 Cor. 10:16, 17; 12:27). Sayoj ke, satepan ke motelmachtijkej kiajsikamatkej ke pan kijtosneki inakayo Jesús kemej taltikpaknenkej. Jesús “kijyouiko tajyouilis kuak nikan taltikpak nentinemia”, hasta kipilojkej itech se kouit. Yejua ika, itech iTakualis toTekotsin, pan kiixnextia inakayo Jesús kemej taltikpaknenkej tein ika “kixtauak ya totajtakoluan” (1 Ped. 2:21-24; 4:1; Juan 19:33-36; Heb. 10:5-7).

15, 16. ¿Toni mochiua ika pan itech iTakualis toTekotsin?

¹⁵ Satepan ke akin kitemakas tanojnots kimelauas nejin ome nechialis, kijtos ke uelisya mochiuas tein Jesús kinnauatij itatitaniluan. Kemej achto tikijtojkejya, mokuis ome ixneskayomej: pan tein amo kipia tein ika xokoyas uan vino chichiltik. Nejin xa kintaliskej itech se mesa tein yetos inakastan tanojnotskej. Yejua kiixtajtoltis itech Biblia tein Jesús kijtoj uan kichiuak keman kipeualtij nejin talnamikilis. Kemej neskayot, amatajkuilol Mateo kijtoua: “Jesús kikuik se pan uan, satepan ke kijtoj se tatiochiualis, kitapanak uan, keman kinmakak imomachtijkauan, kijtoj: ‘Xikuikan uan xikuakan. Nejin kijtosneki nonakayo’” (Mat. 26:26, TNM). Jesús kitapanak pan tein amo kipiaya tein ika xokoyas uan kinpanoltilij itatitaniluan akin kiyoualojtoyaj. No ijkon, keman moelnamikis imikilis Jesús itech tonal 14 metsti abril, tejuatsin tikonitas platos kampa yetos pan tein amo kipia tein ika xokoyas tein kitajtapankej.