13. Kemej kijtoua Revelación 18:7, ¿keniuj momachilia taneltokalis kampa kijtouaj ke kitojtokaj Cristo tein poui iuan siuaauilnenkej oso Ueyi Babilonia?

¹³ Expatika: chokaskiaj uan tananatskaskiaj. ¿Toni mochiuas satepan keman ángeles kiojolochilpiskej amo kuali xiuit? Keman Jesús ika tajtoj keniuj moajsiskiaj akin tamatij kemej amo kuali xiuit, kijtoj: “[Ompa] chokatoske uan tannanatsokatoske” (Mat. 13:42). ¿Mochiujtokya axkan? Amo. Axkan, taneltokalis kampa kijtouaj ke kitojtokaj Cristo tein poui iuan siuaauilnenkej oso Ueyi Babilonia, kijtoua: “Nitokotsyetok kemej se siuatekiuaj, uan amo nisiuakaual, uan amo keman nikitas tayokol” (Rev. 18:7, TNM). Kemej tikitaj, yejua kimachilia ke kipia taixyekanalis. Tein melauj hasta kijtoua ke ‘tokotsyetok kemej se siuatekiuaj’ ininpanko taltikpaktekiuanij. Itech nejin tonalmej, akin tamatij kemej amo kuali xiuit amo motayokoltiaj, ta moueyichiujtokej. Sayoj ke nejon amo uejkaua mopatas.

14. 1) ¿Kemanian uan keyej tananatskaskej akin achto pouiaj itech taneltokalismej tein amo melauak? 2) Kemej axkan tikajsikamatij Mateo 13:42, ¿keniuj mouika iuan tein kijtoua Salmo 112:10? (No xikonita nota 5 itamian tamachtilis.)

¹⁴ Keman mochiujtos okachi ueyi tajyouilis, keman nochi taneltokalis tein amo melauak ixpoliuisya, akin achto ompa pouiaj kitemoskej nepaleuil sayoj ke amo kiajsiskej (Luc. 23:30; Apoc. 6:15-17). Ompa, ijkuak kiitaskej ke amo uelis momakixtiskej, moujkachokaskej uan tananatskaskej porin kualantoskej. Ijkon kemej Jesús achtook kijtoj, itech nejon ueyi ouijkayot “momoukachokiliske” (Mat. 24:30; Apoc. 1:7).e

15. ¿Toni kipanos amo kuali xiuit uan kemanian?

¹⁵ Naujpatika: amo kuali xiuit kitamotaskiaj tikonijtik. ¿Toni kipanos amo kuali xiuit tein kiojolochilpijkej? Ángeles “kintamotaske tech ne tikonijtik” (Mat. 13:42). Nejin kijtosneki senkis ixpoliuilis. Yejua ika, akin achto pouiaj itech taneltokalismej tein amo melauak ixpoliuiskej itamian okachi ueyi tajyouilis, tein kijtosneki Armagedón (Mal. 4:1).