1, 2. 1) ¿Keyej Jesús kitasojtaya Marta? 2) ¿Toni ika mopoloj Marta?

¿KENIUJ tamatia Marta, iikniuj Lázaro? Biblia kijtoua ke Jesús kiitaya kemej se kuali itasojikniuj uan kiteltasojtaya. Melauak ke Jesús no kintasojtaya uan kinpoujkaitaya okseki siuamej. Kemej neskayot, kitasojtaya María, okse iikniuj Lázaro. Uan no semi kitasojtaya imomaj, María (Juan 11:5; 19:25-27). Sayoj ke ¿keyej Jesús kitasojtaya Marta?

⁴ Sayoj ke Marta amo kikakik, ta kitayekanaltij okseki taman. Yejua takualchiujtoya uan kichiujtoya okseki taman tein tapaleuiskia maj Jesús kuali momachiliani. Keman Marta kiitak ke iikniuj amo kipaleuiaya, kualanik uan kiluij Jesús. Yejua kimatia ke Marta kichiujtoya tel miak taman. Yejua ika Jesús kiyemankailuij: “Marta, semi timoyolpolojtok uan timoyoltajyouiltijtok ika miak tataman tekit”. Uan no, kiluij ke xa kuali yeskia maj sayoj kichijchiuani se tapalol tein amo ouij. Ompa kiluij María ke kuali tein kichiujtoya porin kikaktoya ika nejmachkayot. Kijtoj ke yejua kiixpejpenka tein okachi kuali uan ke amo akin kikuiliskia. Satepan, María xa kielkauak tein kikuaj nejon tonal, sayoj ke tikyekmatij ke amo keman kielkauak nochi tein kijtoj Jesús. Panoua 60 xiujmej satepan, tatitanil Juan kijtoj: “Jesús semi iuan motasojtaya in Marta uan iikniu María” (Juan 11:5). Yejua ika tikmatij ke Marta kiselij tein Jesús kiyolmajxitij uan kitekitilij Jiova ika nochi iyolo nochi inemilis.