² Keman tikixmatij Jiova uan timoauiaj, tiknekij timochiuaskej tiyekyolmajsitokej, oso tikpiaskej kualneskayomej uan okachi kuali timouikaskej iuan Jiova. Tatitanil Pablo kiniluij tokniuan akin nemiaj Éfeso ke yejuan ueliskiaj yekyolmajsitoskej kemej Cristo. Komo kinekiaj ijkon mochiuaskej, monekia kuali mouikaskej uan kisentokaskej kiixmatiskej Jesús (Efes. 4:13).

3. ¿Keyej tikijtouaj ke nechikolmej itech nejin tonalmej tamatij kemej nechikol tein moajsia Éfeso?

³ Keman Pablo kintajkuilouilij tokniuan akin pouiaj itech nechikol tein moajsia Éfeso, onkayaj miakej tokniuan akin yekyolmajsitoyaj uan miak xiujmejya kitekitilijtoyaj Jiova. Sayoj ke no moajsiaj tokniuan akin monekia kichikauaskejok ininkuali uikalis iuan Dios. Nejon no panoua itech miak nechikolmej axkan. Miakej tokniuan miak xiujmejya kitekitilijtokej Jiova. Sayoj ke oksekin ayamo kipiaj chikauak inintakuaujtamatilis, kemej tokniuan akin yekin moauiaj. Nochin yejuan moneki mochikauaskej yeskij tokniuan akin yekyolmajsitokej. ¿Uan tejuatsin? ¿Tikonnextijtok ke tionyekyolmajsitokya? (Col. 2:6, 7.)

⁵ Tokniuan akin yekyolmajsitokej kitojtokaj ika nejmachkayot ineskayo Jesús (1 Ped. 2:21). Yejua kijtoj ke moneki tiktasojtaskej Jiova ika nochi toyolo, ika nochi tonemilis uan ika nochi totanemililis. No kijtoj ke moneki tikintasojtaskej oksekin kemej tejuan timotasojtaj (Mat. 22:37-39). Tokniuan akin yekyolmajsitokej mochikauaj kitakamatiskej nejin tanauatilmej. Kinextiaj kemej monejnemiltiaj ke okachi kitayekanaltiaj yeskij itasojikniuan Jiova uan kintasojtaskej oksekin.