13. ¿Toni moneki tikelnamikiskej keman techiluiskej toni uelis techpaleuis maj kuali tiyetokan?

¹³ Itech nejin tonalmej, nion se tokniuj ueli kichiua uejueyi tachiualismej tein ika techpajtis. Sayoj ke sekin kinekij techpaleuiskej maj okachi kuali tiyetokan uan xa techiluiskej toni uelis tikchiuaskej, maski amo tikintajtaniskej. Semi melauak ke seki taman tein techiluiskej uelis techpaleuis. Kemej neskayot, Pablo kimatia ke Timoteo kemansa mopoxkokouaya, xa porin tayia at tein amo chipauak. Yejua ika kiyolmajxitij maj tayiani tepitsin vino (xikonixtajtolti 1 Timoteo 5:23).a Sayoj ke moneki timoyekpiaskej ika tein techiluiskej maj tikchiuakan. Se tokniuj xa kitemos kichiuas maj titayikan se taman pajti oso xiujpaj. Oso xa techiluis toni taman takual moneki tikuaskej oso toni amo. Xa techiluis ke nejon kipaleuij se ichankauj akin no kipiaya se kuejmol kemej tein tikpiaj. Sayoj ke nejon amo kijtosneki ke no techpaleuis. Miakej taltikpakneminij uelis kinpaleuis se taman tapajtilis, sayoj ke oksekin uelis kinijtakos (xikonixtajtolti Proverbios 27:12).