² Biblia kijtoua ke “kuak titakuautamatij iuan Dios, ijkuakon timoyekmatiltiaj ya ke se tonal tikselijtiue nochi ne ten axkan tikyolikachixtokke” (xikonita kampa kijtoua “Tein okachi momelaua”). Nejin kijtosneki ke akin tikpiaj takuaujtamatilis senkis tikneltokaj ke mochiuas nochi tein Jiova motenkaua (Heb. 11:1). Sayoj ke no, axkan miakej kichiaj uan kinekij kipiaskej seki taman, sayoj ke amo senkis kimatij ox se tonal kipiaskej. Kemej neskayot, aksa uelis kitelnekis kitanis tomin itech auil. Sayoj ke amo senkis kimati ox kitanis. Itech nejin tamachtilis tikitaskej keniuj uelis tikchikauaskej totakuaujtamatilis itech tein Dios motenkaua. No tikitaskej keniuj techpaleuia axkan tikpiaskej chikauak totakuaujtamatilis.

3. ¿Keyej titakuaujtamatij ke Dios kichiuas tein motenkaua?

³ Amo akin kipia takuaujtamatilis keman yoli. Komo tiknekij tikpiaskej takuaujtamatilis, moneki tikauaskej maj iespíritu Dios techyekana (Gál. 5:22). Yektikatsin espíritu uelis techpaleuis maj tikixmatikan Jiova. Keman tikajsikamatij ke kipia nochi chikaualis uan tamatkej, titakuaujtamatij ke uelis kichiuas nochi tein motenkaua. Kemej Jiova senkis kimati ke kichiuas nochi tein motenkaua, ika tajtoua inetenkaualisuan kemej yeskia mochiuakya. Yejua ika kijtoua: “Motamichiuak ya” (xikonixtajtolti Apocalipsis 21:3-6). Jiova yejua “Dios akin takuaujtamach” porin nochipa kichiua tein motenkaua. Yejua ika tikneltokaj ke kichiuas nochi tein kijtoua (Deut. 7:9).

ITEKITIKAUAN DIOS NE UEJKAUJ AKIN KIPIAKEJ CHIKAUAK ININTAKUAUJTAMATILIS

4. ¿Itech toni takuaujtamatiaj itekitikauan Dios?

⁴ Hebreos capítulo 11 ininka tajtoua 16 takamej uan siuamej akin nenkej ne uejkauj akin senkis takuaujtamatkej ke Jiova kichiuaskia tein motenkaujka. No ininka tajtoua okseki itekitikauan Jiova akin kiyolpaktijkej porin “takuautamatinenke” (Heb. 11:39). Nochin yejuan kichiayaj maj ejko ‘konetsin’ tein Jiova motenkaujka ke ualaskia. Kimatiaj ke nejin konetsin kinixpoloskia nochin akin kiixnamikij Dios uan ke kichiuaskia maj taltikpak mochiua se xochital (Gén. 3:15). Nejin itekitikauan Dios senkis takuaujtamatiaj ke yejuatsin oksepa kinmakaskia ininnemilis komo momikiliayaj. Yejuan amo kichiayaj kiseliskej nemilis ompa iluikak, porin Jesús ayamo kichiuaya maj sekin ueliskiaj ompa nemikan (Gál. 3:16). Yejuan kichiayaj nemiskej nochipaya nikan taltikpak itech se kualtsin xochital (Sal. 37:11; Is. 26:19; Os. 13:14).

7. ¿Toni techmakak Jiova tein techpaleuia maj tikpiakan chikauak totakuaujtamatilis, uan toni moneki tikchiuaskej?

⁷ ¿Toni techpaleuis maj tikpiakan chikauak totakuaujtamatilis? Jiova techmakak Biblia. Ompa techmachtia tein motenkaua kichiuas satepan uan techiluia tein moneki tikchiuaskej tein techpaleuis maj tiyolpakikan. Yejua ika semi kuali maj mojmostaj tikixtajtoltikan Biblia uan maj tikchiuakan tein techyolmajxitia (Sal. 1:1-3; xikonixtajtolti Hechos 17:11). Jiova no techmaka itechkopa takeual takuaujtamach uan tamatkej tamachtilis tein kemej yeskia takual tein kitemaka “kuak ne hora de takualis” (Mat. 24:45). Ijkon kemej kichiujkej itekitikauan Dios ne uejkauj, moneki nochipa tikixtajtoltiskej tein Dios motenkaua kichiuas uan itech titanemiliskej ika nejmachkayot. Nejin techpaleuis maj amo tikauakan Dios uan maj tiksentokakan tikchixtokan tonal keman iTekiuajyo taixyekanas itech nochi taltikpak.